“Careful, Doctor. Your accusations sound an awful lot like slander. And you know I have the best legal team in the entire country.”
Natigilan ito saglit, pero nahamig din nito agad ang sarili at marahas itong sumugod sa kanya. Lumikha ng malakas na lagabog ang kamay na inihampas nito sa ibabaw ng mesa ng CEO.
Balewalang nasundan lang ng tingin ni Apollo ang mga dokumentong tumalsik at nahulog sa sahig, bago yamot na ibinalik ang tingin sa kaharap.
“Don’t play dirty with me, Altieri! I know how you operate. Sadya mong tina-target ang ospital namin. Gusto mong tuluyang masira ang reputasyon ng mga Romani.”
Ano pa ba ang sisirain sa reputasyon ng mga Romani at ng ospital? Noong unang pagsabog palang ng iskandalo ay bumulusok nang pababa ang iniingatan at ipinagmamalaki ng mga itong 'rep
