“Oy, secret lang, ah. Pero may ibubulong ako sa iyo.” Narinig ni Ahtisa na sabi ng katabi niyang babae sa kaibigan nito.
“Ano iyon?” tanong ng kinalabit nito.
“Ang tita ko, best friend ng may-ari nitong eskuwelahan natin.”
“Tapos?”
Kumunot ang noo ni Ahtisa. Wala naman sana siyang planong pakinggan ang pinag-uusapan ng dalawa, at akala niya ay ibubulong ng una ang gusto nitong sabihin sa katabi, pero parang hindi naman ito nagbubulong lang dahil malakas ang tinig nito. Hindi naman ito nag-abalang hinaan ang boses.
“Ang sabi ni tita, na sabi sa kanya ng best friend niyang may-ari nitong Santa Barbara College. Iba na raw ang may-ari nito ngayon.”
“Hindi na ang masungit na may-ari dati? Iyong biglang nag-iikot tapos mangungumpiska ng I.D. kapag nadaanan kang nag-iingay sa hallway?”
“O
