“Sure, next week,” tugon niya.
Isinukbit na niya ang sling bag sa balikat, at lumapit na sa pinto. They spent the day in the presidential suite of a luxurious hotel. Ang lalaki ang nagbayad, kahit sinabi niyang kaya niyang mag-share ng kalahati sa bill.
Pinihit niya ang doorknob at binuksan ang pinto, pero bago niya magawang humakbang ay hinila pa uli siya ng lalaki sa baywang at kinabig palapit dito.
“Ano?” tanong niya rito.
“Bye, Rin,” anito.
Napailing siya at napangiti na lang. “Bye… Ares.”
Pagkatapos niyang sunduin sa Santa Barbara College si Ahtisa ay dinala niya ito sa ospital para muling matignan ang kalagayan nito at ng pinagbubuntis nito. Habang ini-eksamin ang kaibigan ay tumayo lang sa labas ng clinic si Trinidad. Hindi siya mapakali sa mga sinabi sa kanya kanina ni Ahti
