Bumuntong-hininga lang siya.
“Sir, namamaga pa ang labi mo, o! Mukhang naka-score ka, eh,” sabi pa nito.
Wala sa loob na naidampi niya ang daliri sa tapat ng mga labi. “Are my lips swollen?”
Pinaglapit nito ang hinlalaki at hintuturo, pero nag-iwan ng maliit na agwat. “Kaunti,” anito.
Gumuhit ang ngiti sa mga labi ni Apollo. Ibig sabihin ay maigting din pala ang iginanting halik sa kanya ni Ahtisa kanina.
“Masaya ka niyan, ’di ba? Kung hindi dahil sa panghihimok ko kay Ahtisa na puntahan ka rito sa opisina mo, makakahalik ka ba sa kanya?”
Biglang nabura ang ngiti sa mukha niya. He realized something. “Did you hear it? Did you see us kiss? Did you see what we did?” sunud-sunod niyang tanong. Ang sabi nito kanina ay may ikinabit itong audio bug at micro camera kay Ahtisa. Kung sa dam
