“Okay.” Sumandal si Apollo sa gilid ng mesa at pinanood siya.
Gusto niya itong itulak palayo, dahil naiilang siya sa tingin nitong ayaw siyang lubayan. Pero imbes na punahin pa ang uri ng mga tinging ipinupukol nito sa kanya ay binuhos na lang niya ang atensiyon sa pagtitimpla ng kape.
Nagtaka ito ng lagyan niya ng yelo ang kape nito. Lihim siyang natawa, dahil hindi pa niya nakitang uminom ng malamig na kape si Apollo.
“Here, iced coffee for you,” nakangisi niyang sabi.
Tumingin ito sa mukha niya, wari’y binabasa ang kahulugan ng ngiti niyang iyon, at ng kislap na naglalaro sa kanyang mga mata. “Thank you,” anito, dinala sa labi ang baso at sinimsim ang kape. “I usually prefer my coffee hot, but this one tastes great cold.”
Napalis ang ngisi sa mga labi niya. “Lahat ba ng gagawin ko
