Naguluhan at nagtaka na naman ang pasyente sa katabing higaan. "Okay ka lang ba? Gusto mo bang magpatawag ako ng nurse?" tanong nito sa kanya, nag-aalala.
"Ahm..." Naisip niya na hindi siya puwedeng magtagal doon sa ospital.
Baka magkita pa sila roon ni Apollo. Baka habang naglalakad siya sa pasilyo ay bigla niya itong makasalubong.
"Discharge papers," bigla niyang sambit.
"Ha? Aanhin mo ang discharge papers?" tanong ng babaeng kasama niya sa ward.
"Kailangan ko nang asikasuhin iyon para makaalis na ako ng ospital."
"Bakit, okay ka na ba? Naaksidente ka, hindi ba? Magpagaling ka kaya muna? Bakit nagmamadali ka naman yatang umalis na ng ospital?"
Nagmamadali talaga siya. Nginitian niya lang ang babae. "Marami pa kasi akong kailangang gawin sa labas."
"Oh?"
Tumango siya, at ibinab
