Nagtaka siya. “Why? What’s wrong?”
“You will know when you get here. Bilisan mo. Galit na galit ang ama mo,” anito.
Kahit na alam niyang seryoso ang bagay na tinutumbok ng ina ay hindi niya pa rin mapilit ang mga paang kumilos nang mabilis. Mabigat ang bawat paghakbang niya, at kung puwede nga lang ay huwag na lang siyang gumalaw. Pero alam niyang hindi niya puwedeng ignorahin na lang ang tawag ng ina niya at ang utos nitong umuwi siya sa bahay ng mga ito.
Muli siyang lumulan sa loob ng kanyang itim na Maybach at pinatakbo iyon nang matulin, binagtas ang mahabang daan patungo sa malaking bahay ng mga magulang niya. Pagdating niya roon, sa gate palang, namataan na niyang paroo’t paritong naglalakad sa harapan ng pinaka-pinto ng bahay ang ginang. May suot itong shawl na panlaban sa malami
