“Are you going to file a case against me?” matapang na tanong ni Apollo sa matandang katabi ng kanyang ama.
Manghang napatingin lang sa mukha niya ang matanda. Namamangha siguro ito na hindi man lang siya kinakitaan ng pagkabagabag sa kabila ng katotohanang seryosong bagay ang nilabag niya.
“Alam mo ba na kung hindi lang kami magkakilala ng may-ari ng ospital ay nasa likod ka na ngayon ng bakal na rehas?” sigaw ulit ni Luther. “Dapat talaga iginiit ko na ipakulong ka! Kung hindi lang nagmakaawa sa akin ang ina mo ay hindi ako papayag na nakatayo ka lang dito ngayon at mas gugustuhin kong maranasan mo kung paano ang makulong!”
“Luther,” pigil dito ni Ruthie.
Tumayo lang nang tuwid si Apollo at humarap sa may-ari ng ospital. “Sir, I humbly apologize for the breach I committed, and I am w
