Ang oras bago pumasok si Apollo sa Santa Barbara College.
Nag-iigting ang mga ugat sa panga ng binata, habang binabasa ang report na ipinadala ni Trinidad sa kanya. Hawak niya nang mahigpit ang cellphone, at hindi niya mapilas ang matalim na tingin sa bawat letra ng kabuuang nilalaman ng report.
Sa loob ng backseat ng kanyang sasakyan ay ramdam niya ang pamumuo ng tensiyon. Binabagtas ng sasakyan ngayon ang kahabaan ng kalsada patungong Santa Barbara College. Nakasulat sa report ang muling pangha-harass ni Andresito Gatbonton kay Ahtisa.
Tumunog ang cellphone niya.
Trinidad calling…
“Trinidad,” sagot niya sa tawag.
“Papunta sa Santa Barbara College ang mag-amang Gatbonton, kasama ang mga bodyguards nila. Magri-reklamo si Andres Gatbonton kay Josefa Manlapig dahil nasampal at nabal
