Namayani ang katahimikan.
Ang maririnig lang ay ang buga ng air conditioning unit ng sasakyan, at ang mabini nilang paghinga. Tila mas lalong lumamig nang wala nang may nagsalita. Ang driver naman ay tahimik lang. Maliban sa paminsan-minsan nitong pagtikhim ay wala nang maririnig na tunog mula rito. Ito rin ang parehong driver na nagmamaneho sa sedan noong bigla siyang hatakin ni Apollo sa backseat.
Ang baritonong boses ni Apollo ang bumasag sa napakangilong katahimikan. “Yes, you are right. Kasalanan ko ang lahat. And I regret it.” He paused and exhaled roughly. “Deeply so. I wish I had never canceled the wedding. Sana asawa na kita ngayon. Sana asawa mo na ako.” Mababatid sa timbre ng boses nito na nagsasabi ito ng totoo, na nagsisisi ito sa ginawang hindi pagtuloy sa itinakda nilang k
