Kumatok muna siya sa pinto.
“Come in,” boses iyon ng binata.
Itinulak niya pabukas ang pinto at pumasok sa loob. Nakita niyang nakatutok ang mga mata ng kasintahan sa laptop nito. Nagri-reflect sa suot nitong salamin ang ilaw mula sa screen ng aparato. Inilapag niya sa mesa ang tasa ng kape. “Magkape ka muna,” aniya rito.
Tumango lang ito. “Diyan na lang muna, may tinatapos lang akong basahin.”
“Ah, sige.”
Naupo siya sa sofa at pinanood lang ang binata. Kahit saang anggulo tignan ay hindi talaga ito nakakasawa sa mata.
Inabot nito ang tasa ng kape at dinala sa mga labi nito. Pagkasimsim nito niyon ay gumuhit ang disgusto sa mukha ng binata. Hindi nito naitago ang pagsasalubong ng mga kilay.
Napatindig si Ahtisa at nilapitan ang nobyo. “H-hindi mo pa rin gusto ang lasa?” tanong ni
