Parang natuklaw ng ahas ang mukha ni Nina nang marinig nito ang mga sinabi ni Apollo. Natutop nito ang mga tainga na tila ba nangapal at namanhid ang mga iyon, tapos ay nawalan ng kulay ang mukha nito, at animo maputlang papel na maaari nang liparin ng hangin.
Nagpakawala si Nina ng alanganin at kabadong tawa. “Ito namang si Sir Apollo, marunong din palang mag-joke. Joke ba iyan, Sir? Parinig naman ako ng isang halakhak diyan at—” Kusang nakulong sa likod ng lalamunan nito ang mga kasunod pa dapat na kataga nang makita ang malamig na tingin dito ng binata.
"Hindi po joke?" tanong nito, may nginig ang boses, sabay lunok. Sunud-sunod—isa, dalawa, tatlong tuluy-tuloy na paglunok. Para bang may nagbara sa lalamunan nito na hindi nito magawang itulak pababa.
“Do I look like the kind of per
