92 - Breaking?
Summer’s Point of View
Nitong mga nagdaang araw ay pansin ko ang pagbabago sa ugali ni Alexander. Kahit na ilang beses ko na siyang sinabihan na wala siyang dapat na ipag-alala dahil hinding-hindi ko siya magagawang lokohin ay hindi pa rin natitigil ang pagseselos niya. Kahit maliit na bagay ay pinapalaki niya. Kulang na lang ay sabihan niya akong tumigil sa pagtatrabaho—na siyang hinding-hindi ko rin
gagawin.
Hindi ko na lang ipinapahalata sa kanya na napupuno na ako sa pagseselos niya. Lahat na ng pwedeng gawin para mabigyan lang siya ng assurance ay ginawa ko na. Halos hindi na nga ako lumapit kay Sir Anton. Dumidikit lang ako sa kanya kapag trabaho na ang pinag-uusapan.
“Summer, are you okay?” Napakurap ako nang marinig ko ang boses ni Sir Anton. “You’re spacing ou
