"Anong sinabi mo? Magpapakasal ka na?" Bulalas na tanong sa kanya ng pinsan niyang si Miko nang puntahan siya nito sa kanyang opisina matapos ang kanilang meeting para sa project nila sa bayan ng San Juan.
"Yes, Miko magpapakasal na ko," tugon niya at naupo sa sofa malapit sa kinauupuan ng pinsan.
"Kanino naman? Huwag mong sabihin na dahil lang sa asyenda na iyon eh magpapakasal ka na!" Bulalas pa rin nito sa kanya.
Humugot siya ng malalim na paghinga sabay tango rito. Buo na ang pasya niya magpapakasal na sila ni Yanna. Nagkausap na sila ng Don at kapwa na sila nagkasundo na ikasal sila ni Yanna sa asyenda. Hindi pa sila nagkakausap ni Yanna tungkol sa bagay na ito dahil maaga siyang umalis ng asyenda dahil sa kanyang trabaho at hindi na nahintay pa si Yanna na gumising at lumabas sa s
