Mabilis akong naglakad patungo sa kinaroroonan nina Carley at Nyca na parehong nakangising aso na. Titig na titig silang dalawa sa aking bawat galaw at paghakbang na akala mo ay isa akong modelo na hinahangaan nila o ‘di kaya ay artista na ngayon lang nila nakita.
“Anong pakiramdam?” tanong agad ni Nyca sa akin paglapit ko sa aming lamesa.
“Ang manalo?” balewalang tanong ko na agad naupo sa aking iniwang silya, alam ko ang kanyang pinupunto. “Ayos lang, masaya.”
“Hindi iyon ang ibig kong sabihin,” iling nitong natatawa sa mahinang tinig, “Iyong unang beses kang mahalikan ng isang estranghero.”
Mabilis akong tumayo mula sa aking upuan. Kahit na mahina lang ang kanyang boses ay alam ko na dinig siya halos ng lahat ng naririto.
“Kailangan pa ba nating pag-usapan iyon?”
Alam ko na na
