عقاب و ما بعده معرفه مدى الحب

1721 Words

الاسكريبت_كامل رقم 2 _ انا بحبك .. بس أنا مبقتش أحبك دى الحقيقه ومش هقدر اكدب ولا على نفسي ولا عليكى ليلي بصدمه : اومال ايه الفستان اللى انا لابساه دا يازين واحنا بنحتفل بعيد جوازنا دلوقتى ! هو انت بتهزر صح ! زين ببرود : ههزر ليه في حاجه زى دى انا النهارده خرجت معاكى علشان اقولك انى هتجوز ملك ودا قرار وليكى الحريه عاوزه تفضلي على زمتى تمام مش عاوزه هطلقك عادى ليلي : زين هو انت فعلا بتتكلم بجد انا قلبي هيقف زين بنفس الجمود والبرود : ايوا ولو خلصتى اكل يلا علشان عاوز انام كنا ماشين طول الطريق ساكتين مكنتش عارفه اتكلم ومش عارفه السبب ممكن صدمتى كانت أكبر من أن ل**نى ينطق دموعى بس بتنزل اول ما وصلنا البيت خلاص مكنتش قادره ليلي ودموعها بتنزل ومسكت ايديه : زين انت هتتجوزها بجد زين شال ايديه : ايوا وبالمناسبة انا رايح بعد يومين اتكلم مع خالتى وخلاص اليومين دول قوليلي قرارك علشان اقولهم عليه وعلى اساسه اشوف هعيش انا وملك هنا ولا هشوف بيت تانى ليلي : هو انت ليه بارد كده هو انا عملتلك حاجه انا بحبك يا زين حرام عليك انت ازاى قلبك بقي جامد كدا ازاى قدر يحب حد غير ليلي زين بعصبيه : كانت فين ليلي دى لما كنت متلقح في المستشفي وهى سايبانى وعند أهلها وأعلى شمتانين فيا ! كانت حبها فين وهى بتتلكك بأى حاجه علشان تتخانق وتدمر علاقتنا كنتى فين وانا لوحدى بعانى وبدور علي شغل علشان حضرتك كنتى فين كنتى سايبانى وقاعده مع صحابك اه ما هم اهم بعصبيه اكبر : ها ما تردااااااااى ليلي بخوف لاول مره اخاف من زين كده ولاول مره يزعق فيا كده : انا اسفه والله بس متتجوزهاش ا ر ج و ك زين : متجوزهاش ليه محترمه وبنت ناس وقريبتى وهتشيلنى وتقدرنى وقت تعبي انا دايما كنت بتنازل علشان حبي ليكى لكن دلوقتى انا محتاج احس بحد وبحبه ليا دا حقي ليلي : بس و الله ا ن ا بحبك والله والله مكنش قصدى انا محبتش قدك يا زين ا ن ا انا ع ا ر ف ه انى الفتره اللى فاتت اهملتك وغلطت في حقك كتير عاقبنى اى عقوبه بس متبعدش هموت لو بعدت عنى زين ببرود ع** الحزن اللى جواه : انا مقولتش هبعد لكن انا خدت قرار وهتجوز يا ليلي وانت عاوزه تكملى معايا على كده اهلا وسهلا ليلي مسحت دموعها : حاضر اللى انت عاوزه انا موافقه عليه يمكن غلطى كان كبير لدرجه انك تكرهنى كده ودا عقابي انى اهملتك وانا راضيه بيه كملت بابتسامه حزينه ودمعه فريت من عينيها : المهم انك هتكون بخير وسعيد يازين حتى لو مع غيري دخلت اوضتى وقفلت الباب وانهارت مكنتش قادره أقاوم اكتر من كده ، مكنتش عاوزه ابينله ضعفي بس هو معاه حق انا اذيته لما مكنتش جنبه في اكتر وقت احتاجنى فيه ، فضلت اعيط لحد ما النوم غلبنى ونمت صحيت على الفجر بس ملقتهوش جنبي لقيته نايم في الصاله على الكنبه روحت اصحيه انا المره دى ( كان هو اللى دايما بيصحينى علشان نصلي ) ليلي : زين زين الفجر أذن زين بنوم : حاضر قومت صلينا وخلصنا وبرضو لقيته رايح على الكنبه وبينام قلبي واجعنى اوى مش قادره اشوف حبه بيضيع منى كده ليلي : هو انت هتنام هنا ليه يا زين زين : مش عاوز انام جوا ليلي : هو الكره للدرجه دى لدرجه انك حتى مش عاوز تبقي معايا في اى مكان زين بحزن : ادخلى نامى يلا ياليلي ليلي بحزن : بس أنا مش هعرف انام كده انا متعودتش انك تسيبنى تايهه لوحدى زين : دا كان زمان من سنتين دلوقتى كل دا انتهى روحت لحد عنده و قعدت على كرسي جنبه وسندت راسي على رجلى ومسكت ايديه رغم أنه مكنش حابب ليلي بدموع : كلها يوم واحد وتجيبها وهتبعد ومش همنعك لو سمحت سيبنى أمسكها بس النهارده علشان انام عند زين ... الايام كانت ماشيه زى بعضها مكنتش فرحان على حزنها اللى شايفه قدامى بالع** كان قلبي بيوجعنى عليها ، انا مكرهتهاش وقلبي عمره ماحب غيرها ولا هقدر انساها بس كان لازم يحصل حاجه تفوقها من ساعت ماتجوزنا وهى انانيه انا عمرى ما حسيت بحبها دا غير اليومين دول كانت دايما شايفانى معاها وسند ليها بعد ربنا اتعودت أن كل حاجه مجابه حتى لو مش هقدر عليها بس قررت افوق لنفسي واعرفها انى كمان زيي زيها واهو اليومين خلصوا زين فتح باب الأوضه لقاها قاعده علي السرير وعيونها باهته خاليه من اى سعادة : انا نازل دلوقتى ليلي رفعت عينيها : رايح تجيبها زين : ايوا انا خيرتك يا ليلي وقلتلك اخدلها شقه تانيه وانت اللى قلتى لا ليلي : تمام يا زين بس أنا عاوزه اجى معاك زين بصدمه : نعم !!! ليلي : انا هاجى وصدقنى مش هعملكو مشاكل بس أنا مش عاوزه تروح من غير حد وعلشان ميعرفوش انى مش موافقه زين ببرود ع** اللى جواه : لا الاحسن خليكى بصراحه انا هخرج انا وهى نتعشي بعد كتب الكتاب ليلي بان**ار : اممم تمام روح يا زين وهو بيفتح الباب : زين زين : نعم ليلي : هو انا ممكن اعمل حاجه زين حس انها ضعيفه اوى لاول مره يشوف ال**ره في عينيها : انت تعملى اللى عاوزاه ياليلي ليلي راحت حضنته من غير اى مقدمات فضلت لثوانى وخرجت من حضنه بدموع : مب**ك يا زين ودخلت اوضتها من غير ما تسمع منى ولا حرف وفعلا روحت عند ملك واليوم خلص زى ما كنت عاوزه يمشي وبعدين رجعنا البيت مكنتش قادر مشوفهاش قبل مانام دخلت ملك اوضتها ترتاح وطلعت فتحت اوضتها ودخلت لقيتها نايمه وحاضنه صورتنا قلبي واجعنى عليها اوى انا عمرى ماكنت هحب اشوفها كده بس هى اللى خليتنى اعمل كده شيلت الصوره منها بس للاسف صحيت وشاف*نى ليلي بنوم مسكت أيديه : ارجوك يا زين متسبنيش ارجوك زين باس راسها : نامى يلا انا هنا اهو فضلت جنبها لحد ما نامت وقمت خرجت فضلت قاعد لحد ما نمت على الكنبه ............ اشرقت شمس يوم جديد ...عند ليلي... صحيت دماغي واجعنى من كتر العياط مكنتش عاوزه أخرج من اوضتى بس مكنتش قادره فطلعت اشرب اى حاجه علشان الصداع وياريتنى ما طلعت شفت حاجه قهرتنى اكتر مانا مقهوره ...عند زين ... صحيت على ايد بتلعب في شعري لقيتها ملك نايمه جنبي ولقيتنى على الكنبه زين : بتعملى ايه احنا في الصاله ملك : شششش ملك دورت وشها : ليلي صح ! زين قام من مكانه بفزع وبص على ليلي اللى كانت واقفه بجمود وساكته ليلي وهى ماسكه دموعها : علفكره يا زين في أوضه اعمل حساب انى موجوده ملك : وفيها ايه واحد ومراته وبعدين ما احنا عارفين انك عادى ومش بتحبيه ليلي مقدرتش تقاوم دموعها اكتر من كده : اه اه فعلا صح يا زين ! زين مكنش قادر يرد وكان واقف ساكت بس ملك قطعت ال**ت : خلاص مش هنضايق حد يا زين يلا يا روحى علشان عملتلك فطار وهنفطر مع بعض جوا في اوضتنا ليلي بسرعه : بس زين متعود ياكل من اكلى بس ومش بيعرف يفطر غير وانا معاه زين بصلها : هناكل كلنا مع بعض يا ملك ملك : اللى تشوفه يا روحى _على سفره الاكل _ ملك بتاكل زين : كل يا حبيبى انت خاسس اوى ايه مكنتش بتهتم بيك ليلي بغيظ لقحت عليها المعلقه زين : ايه اللى انت عملتيه دا المعلقه كانت هتعميها ليلي : تعرف لو سمحت تسكت تعرف ولا لا وانتى يا قطه قسما بالله المره الجايه هتبقي سكينه واوعى تفكرى أنى ضعيفه وهسيبك تبكتينى كتير انسي والله اخسفك جو المحن الكداب دا بطليه ومتفكريش انى هسكت كتير بس العيب مش عليكى بصيت لزين : العيب على اللى **ر بخاطرى لما اترجيته بس هو معاه حق لكن لو سمحت لو سمحت يا زين كفايه انا رضيت بكل اللى عاوزه ومش هتشوف وشى تانى هفضل في اوضتى بس كفايه علشان تعبت دخلت اوضتها وزين خد ملك ودخل الاوضه وقفل الباب زين : ايه اللى بتعمليه دا عجبك كده ! ملك : حضرتك نمت على الكنبه كنت عاوزنى اعمل ايه وطول الوقت باين انك بتموت فيها اصلا خف شويه زين : اخرسي بقي يا ملك اخرسي ............. فضل الحال كده أسبوعين كاملين ليلي مش بتخرج خالص من اوضتها غير على صلاه الفجر تصلي زى ما متعودين وتاخد كل اللى هتحتاجه لباقي اليوم وتدخل حتى الاكل مبقتش تاكله معاهم ولا بتتكلم نهائي وزين بقي زهقان من اللى بيحصل وخلاص جاب آخره جه وقت صلاه الفجر وليلي طلعت ملقتش حد فيهم خبطت على الباب بس سمعت صوت ضحكه عاليه من جوا ودا طبعا صوت ملك زين فتح الباب : ليلي حاضر جايين ملك : لولا استنى لازم تكونى اول واحده تعرف بعد زين ليلي وقفت وبصتلها بق*ف وكانت ماشيه ملك : انا حامل مش هتباركيلي ليلي بصتلها بصدمه وبصيت لزين والدموع ماليه عينيها ووقعت من طولها قدامهم زين جرى عليها : ليلي ليلي فتحى عيونك ليلي ملك جريت جابت مايه : احيه البت هتموت بسببنا مننا لله زين بعصبيه : اخرسى قولتلك بلاش والله لو جرالها حاجه لموتك ملك : بقولك ايه صحيها بس أنا خلاص مش هكذب عليها كفايه زين فضل يصحى ليلي لحد ما فاقت : انتى كويسه ليلي بجمود : ابعد عنى زين بلهفه : اسمعينى بس أنا آسف والله ليلي بانهيار : انا اللى اسفه وكنت متمسكه بجوازنا وبقولك متبعدش بس خلاص انا عاوزاك تبعد زين : وانا مش على مزاجك علفكره ليلي : وانا تعبت انا سكت وقولت غلطت ودا عقابي وعلشان بحبك مقدرتش ابعد علشان انت يا زين نفسي اللى بتنفسه بس أنا مستاهلش والله كل دا والله مستاهلش العقاب دا هتجيب منها بيبي كمان يا زين ملك : بس علفكره هو مقدرش حتى يعاقبك ومكنش بيقدر حتى يشوفك م**وره وعلفكره هو مش جوزى ولا هجيب بيبي ليلي بصيت لزين : الكلام دا بجد زين : ايوا ليلي بصوت عالى : وبتعمل فيا دا كله جالك قلب ثانيه واحده بس ومسكته من شعره قاعد مع واحده ازاى في نفس الاوضه وهى مش حلالك يا زين يا محترم وكل شويه هههههههههههه اد كده من الست هانم زين : بس كفايه لوك لوك مبتسكتيش ملك اختى فى الرضاعه عمتى كانت تعبانه اوى وماما اللى كانت بتديها من لبنها ومن ساعت ما سافرت تدرس مجاتش غير بعد جوازنا لما انا تعبت وهى اللى اقترحت تعمل كده علشان تعرفي غلطك ليلي بعياط : ث ا ن ي ه ب س يعنى بجد انت متجوزتش عليا وبتحبنى يا زينى ملك : هو انت فرحانه أو زعلانه بتعيطى دا ايه الست النكديه دى والله تعالى اجوزك يا زين ليلي : هو انت جيتى علشان تخربي بيتى حرام عليكى والله هموت ولو عملها وهموته معايا زين بحب مسك ايديها وباس راسها : والله ما اقدر احب غيرك سامحيني ليلي : عمرى ما عرفت ازعل منك علشان اسامحك انا بحبك زين : بحبك اكتر بكتير تمت اسكريبت_كامل بقلمى شروق خليل ✍️ اتمنى يعجبكم وتعملو فلو ?

Free reading for new users

Scan code to download app

App Store Google Play

Facebookexpand_more