when I decide to write ??

اسكريبت رقم 1 .. ممكن تيجي معايا وغمضي عينيك _ ليه في ايه احمد وهو بيشدها : تعالى بس يا حبيبي هاله : ها افتح احمد : فتحى _ هييييييه هابي بيرث داى تو يوو ، هابي بيرث داى لولو هابي بيرث داى تو يوو هاله : الله بجد انتو فاكرين انا كنت ناسيه وانت كمان يا ليلي وانت يا عمتو ليلي : ياروحى عمرنا ما ننسى عيد ميلادك اصلا دا حتى النونو ( ابن هاله وأحمد ) فرحان اهو وعمال يضحك احمد : ها يا حبيبي ايه رايك في المفاجئه ولسه الباقي بالليل بقي هاله بارتباك وتوتر : اها جميله اوى ........ .......... ............ احمد .. محاسب في شركه وعنده 28 سنه اتجوز هاله من سنتين شافها في الشغل وحبها هاله : وعندها 28 سنه اتجوزت احمد وجابو سيف عنده 3 شهور دلوقتى ليلي : بنت خاله احمد عندها 23 لسه متخرجه من صيدله هى طموحه وبتحب دايما تعمل حاجات جديده ومش بيهمها الجواز ولا عندها مسئوليه وكده ماجده : خاله احمد وبحكم أن أهله متوفيين من صغره ومكنش ليه غيرها هى اللى ربته ولما كبر بعد علشان ليلي بس لما ربنا كرمه في شغله محبش يعيش لوحده و فضل يكلم خالته وفعلا عاشت معاه هى وليلي بعد ماتجوز وعلشان يكونو مع سيف بحكم شغل احمد هو وهاله .......... ........ ......... ........ عدى اليوم والليل جه كانت الساعه حوالى 10 .... ليلي كانت في أوضتها وسمعت هاله خارجه وبتتكلم في الفون استغربت لأن احمد مش معاها خرجت وراها ولحقتها لقيتها بتتكلم هاله : خلاص انا جايه ليلي : رايحه فين هاله بصدمه : انا ... انا رايحه اشترى حاجه من برا وهرجع ليلي : ومالك خايفه كده ليه وايه الشنطه اللى معاكى دى هاله : دول .. دول اه حاجات قديمه عندى قلت اديها لبتاعه السوبر ماركت تتبرع بيهم لاى حد ليلي : اممممم تمام ياروحى متتاخريش هاله راحت تحضنها : حاضر انا بحبك اوى ليلي كانت مستغربه هى هاله مالها بس بطلت تفكير وطلعت الشقه تانى !! احمد : هى هاله فين شفتك معاها ليلي : قالت رايحه تجيب حاجات وتتبرع بشويه هدوم وهترجع احمد بعصبيه خفيفه : في الوقت دا ومخدتش اذنى ليلي : مش عارفه والله ممكن لقيتك مشغول احمد : تمام انا هدخل انام شويه فجاه ... ماجده : ليلي الحقينى واغمى عليها ليلي : ماما مالك يماما احمد واللى جاب ميه فورا وحاول يفوقها ولقي في ايديها ورقه خدها وفجاه وقف في صدمه وماجده كانت عماله تعيط وليلي بصالهم ومش فاهمه حاجه بس للاسف كل الليله قلبت عليها احمد رمى الورقه في وشها : ايه دا !!!! ايييييه دا ليلي بخوف بدأت تقرا الورقه : والله ما اعرف هى قالت إنها رايحه السوبر ماركت مكنتش اعرف انها ماشيه أو هتهرب مع حد انا ذنبي ايه احمد : أنا شايفك معاها وهى بتقولك بحبك ومش هنسالك وقفتك جنبي دا معناه ايه ها !!! وبعدين ايه اللى هى كتباه دا حب ايه اللى بتحبيهولى هو انا مالى بيكى ليلي بعياط : والله والله ماعرف حاجه صدقينى ياماما انا لقيتها بتحضنى فجاه وبتقولى كده و ه ى مفكره دايما انك قريب منى بس والله قلتلها أننا اخوات ومتربين مع بعض انا مليش دعوه والله انا مش مستوعبه أنها تبعد عنك وعن ابنها ع واحد تانى لا وكمان صحبك صدقنى ان..ا ما ..ل.ي.ش دعوه دا كله كان بيحصل ومحدش فاهم حاجه ، ماجده قاعده بتعيط وأحمد إللى **ر كل حاجه حواليه ( معقول ما كنتش بتحبه .. طيب اتجوزته ليه .. ليه لما كانت بتحب صحبه وافقت عليه ليه لا وليلي هى اللى تساعدها ! ) ، اما ليلي واللى كانت قاعده مش مصدقه أنه ممكن يشك فيها ليلي في نفسها بقهره ... ازاى تشك فيا يا احمد دا انا عشت على اساس انك مش هتتجوز غيري ولما لقيتك حبيتها والله فرحتلك وتجاهلت كل حاجه واعتبرتك اخ وبس .. انا عمرى اساعدها انها تدمرك وتسيب ابنها هى دى أخلاقي ! عدى اسبوعين على الحال دا .. احمد ملوش علاقه نهائي ب ليلى وكل ما يتكلم يلقح عليها بالكلام وأنها هى السبب في كل المعاناه اللى هو وابنه فيها دلوقتى مع انها هى إللى بتراعي الولد من ساعت ماهاله سابتهم ، بس برغم دا كله ماجده كانت جنبها ومصدقاها .. في يوم فون ليلي رن وكان رقم غريب ليلي : الوو هاله : الو ياليلى انا هاله ومتقفليش ابوس ايد*ك عاوزه اطمن على سيف ليلي : هاله انت ازاى عملتى كده ارجعى جوزك وابنك محتاجينك هاله : ليلي انا عمرى ما حبيته انا من الاول كنت بحب على بس حصل بينا مشاكل وبعدها احمد طلبنى للجواز ووافقت مكنتش متخيله أن كل حاجه هتبقي جد كده ليلي : يا هاله حرام عليكى ابنك حتى احمد دخل على اخر كلام ل ليلي : هاله !!! ليلي رميت الفون من ايديها من الخوف : هى كلمتنى من رقم جديد وكانت عاوزه تطمن على سيف احمد : ولسه ليكى معاها كلام كمان !! ليلي : هو انت ليه مش مصدقنى قلتلك انا مساعدتهاش وكمان حتى دلوقتى هى اللى كلمتنى من رقم غريب احمد بهدوء : مكرهتش في حياتى قدك يا ليلي ليلي فضلت تعيط على حالها واللى وصلت ليه .. فضلت تتجنب الكلام معاه أو تقعد حتى وهو قاعد علشان متلاقيش كلام منه يجرحها ..... ......... ليلي : خلاص ياحبيبي متعيطش خلاص يلا نام ياسيف لا لا متعيطش احمد وهو بياخده منها : هاتي الولد انا هسكته ليلي : براحتك عليه لسه صغيره احمد : ملكيش دعوه ابنى وانا حر معاه ليلي : تمام براحتك ماجده : احمد عدى شهور خلاص المفروض الامور تتعدل يابنى احمد : مفيش حاجه هتتعدل يا خالتى . كل حاجه خلاص اتدمرت ومفيش حاجه بتت**ر وتتصلح .. غيابها طال بس أنا عمرى ما نسيتها مع انها **رتنى ، وجود ابنى دايما بيفكرنى بيها هو انا قصرت معاها في حاجه !! ، وجود ليلي قدامى كل ثانيه بيفكرنى أنها ماصانتش العشره بينا واننا متربين مع بعض انا بكرههم وبكره الظروف اللى وصلتنى لكده ليلي : قلتلك انا مليش دعوه انا مش ذنبي انك شاكك فيا ومبتسمعنيش هو انت بتبرر لهروبها وخلاص ولا انت مش مستوعب احمد : لو سمحتى مش عاوز اسمعك ياريت متورنيش وشك كمان ليلي : انت اللى مش عاوزه اسمع منك اى كلام مش كويس عنى انت ملكش الحق تلقح عليا اتهامات فين دليلك على انى السبب ، انت مين علشان تسبب فيا حاجه معملتهاش هى مكنتش بتحبك افهم بقي ماجده بصوت عالى : خلاص يا ليلي عيب قله الادب دى ليلي بحزن وشهقه : لا ياماما انا عمرى ماكنت قليله ادب ودايما بسكت علشان مجرحهوش بس خلاص فاض بيا وانت اكتر واحده عارفه انى بتمناله يبقي فرحان دايما ، فاكره لما جه وقالنا أنه حب واحده وعاوز يتجوزها قلتلك ايه !! مسكتك برغم انك كنت هترفضي علشان عارفه انى بحبه وقلتلك لا يماما هو ميعرفش حاجه وبيعاملنى زى أخته جوزيه إللى عاوزها انا اصلا لسه صغيره على الهبل دا ، ولما جه وقالك نعيش معاه وفضل يضغط عليكى علشان محتاجك قلتلك عادى أنا دلوقتى بعتبره اخويا وانا من جوايا عارفه انى مش هستحمل العيشه هنا وسكت واستحملت وحبيتها زى اختى ومتكلمتش علشان مليش الحق اتكلم بس لحد كده وكفايا ... لو مش مصدق انى مساعدتهاش اتفضل التسجيلات بتاع كلامها معايا من ساعت ما مشيت هى مش بتحبك بس أنا سكت علشان مكنتش عاوزه ا**رك بسببها للمره التانيه يا احمد علشان انت غالى عندى ... سبته فى صدمته من كلامى ودخلت اوضتى مكنتش عارفه انا اتجرأت وقلت الكلام دا كله ازاى فضلت ساكته وكاتمه مشاعرى دى من 6 سنين فاتو .. فضلت قاعده في اوضتى مش عاوزه أخرج منها مش بسبب زعلى منه .. دايما كان بيقف جنبي وبيسندنى وعمرى ماقدر انساله كده صحيح اهل الحب مساكين ... فضلت واقف مصدوم شويه من اللى قالته وبعدين بدون اى مقدمات أو كلام دخلت اوضتى .. دماغي كانت غيمه من التفكير كنت خلاص جبت أخرى ومشوش ومش قادر افكر بس قررت اسافر اقعد لوحدى لحد ما استرجع نفسي تانى ، هاله فعلا دمرتنى خلتنى انانى ومريض نفسي لدرجه انى بقيت بزعق وبلوم في كل إللى حواليا حتى ابنى بقيت ابصله بشفقه على اللى وصلناله وفعلا سافرت لانى كنت محتاج ابقي لوحدى ............................................. في بيت ليلي وماجده بعد شهر مفيهوش اى حاجه جديده غير أن عيد ميلاد سيف النهارده ( هيتم سنه ) وطبعا احمد من ساعت ما سافر وسيف بقي معايا دايما يمكن لدرجه انه بقي يقولى يماما مكنتش بزعل أنه قرب منى بس كل ما فكره أن احمد هيرجع ياخده منى تيجي في بالى كنت بفتح في العياط اكيد احمد خلاص مش هيتعامل معايا تانى بعد اللى عرفه .... ماجده : افتحى يا لولا الباب هتلاقيه الراجل اللى بيجيب التورته او حد من الصيدليه ليلي وهى بتلعب مع سيف : حاضر يا ماما ... ايوا جيت احمد !!! احمد بهدوء : ايوا هو انا كنت هفضل مسافر دايما وبعدين اكيد هرجع علشان ابنى عيدميلاه النهارده خد سيف من ايديها : حبيب بابا وحشتنى ازيك يا خالتى وحشتينى اوى ماجده : وانت اكتر يا حبيبي ليلي دخلت اوضتها وهى ساكته بس ملحقتش لقيته داخل وراها وفى أيديه سيف احمد : ينفع نتكلم شويه ليلي : بص أنا عارفه انك دلوقتى رجعت والحمد لله باين عليك بقيت احسن وعارفه أن خلاص مبقتش تعتبرنى قريبه منك ولا اختك زى الاول بس بجد متاخدش سيف أو تكرهه فيا احمد : معاك حق انا مبقتش اعتبرك اختى زى الاول ولا هرجع اعتبرك كده بس عاوزك تدينى فرصه احاول احبك وتكونى جنبي ليلي : الحب مش بالعافيه احمد : بس أنا مقلتش أنه بالعافيه اسمعينى انا عارف انك مفكره أن عاوز بديل ليها أو عاوز مجرد واحده تكون ام لسيف أو اشغل نفسي وتفكيري بس أنا مش كده انتى دايما قدامى وقريبه منى يمكن كنت برتاح احكيلك اى حاجه عنها وانت عارفه كده بس عمرى ماتخيلتك غير اخت ليا ممكن علشان مشفتش غيرها ساعتها بس بجد انا محتاج وجودك محتاجك جنبي ، محتاج فرصه منك انى احاول احبك زى ما بتحبينى ، تعرفى انى بجد محستش بحبك دا حتى بعد ما اتكلمتى محستش بيه غير لما شفتك وشفت نظرتك ليا لما فتحتى الباب ولقيتينى قدامك ليلي : بس أنا دلوقتى ..... احمد : ليلي انت لسه بتحبينى !! ليلي : معرفش انا اتعودت انك بعيد احمد : انا عارف انى مقدمتلكيش اى حاجه بس مستعد دلوقتى علشان دلوقتى مش محتاج غيرك تتجوزينى فضلت ساكته احمد : تمام ومتقلقيش بجد سيف هيفضل معاك ليلي : هيفضل معانا * احمد : قصدك ... ! ليلي : موافقه نكون مع بعض انت دايما معايا اصلا بعد سنتين سيف : ماما انا بكره مريم احمد : ليه كده عيب دى اختك يا سيف سيف : لا بتاخد امى منى دايما وبفضل لوحدى اصلا هموتها علشان افضل لوحدى مع ماما ليلي : ياروحى ياروحى انا معاكو انتو الاتنين .. انت تاخد عين من عيونى و مريم عين احمد : وانا فين راحت عليا !! ليلي : انت اللى في القلب " احببتك وسأحبك وحدك للأبد .... ♥️ " بقلمى .. shrouk khalil ✍️