CHAPTER 23
Olivia’s POV
Bumalik na ako sa kwarto ni Josh nang mahimasmasan ako. Ang tagal ko ring inayos ang sarili ko. Dumaan muna ako sa restroom para tignan ang itsura ko.
Pagtingin ko sa salamin ay bumungad sa akin ang namumugto kong mga mata.
Hinilamusan ko ang sarili ko at hindi ako tumigil hangga’t hindi nawawala ang pamumugto ng mga mata ko at ang bakas nang pag-iyak ko.
Inabutan ko si Abi na nagce-cellphone pagpasok ko sa kwarto ni Josh. Nginitian ko lamang siya nang tuluyan na akong makapasok ng kwarto.
Walang nagsasalita sa pagitan naming dalawa, pareho naming tinatantsa ang isa’t isa. Parang ang mga mata ni Abi ay may gustong sabihin, pero hindi niya magawang ibukas ang mga bibig niya.
Kinuha ko ang pagkaing binili namin at inayos ito sa isang maliit na mesa sa kwarto n
