CHAPTER 37
Olivia’s POV
“Dahan-dahan lang po, Sir,” sabi ko.
Inaalalayan ko ngayon si Sir Christian habang naglalakad paikot ng condo niya.
Kanina ay gusto niyang sa may parke kami maglakad-lakad. Ang kaso ay bigla namang bumuhos ang ulan. Kaya ang plano niyang ang tagal niyang inisip ay inagos na ng ulan.
“I’m taking it slowly, Ms. Lopez,” medyo iritado nitong sabi.
Kanina pa mainit ang kaniyang ulo. Gustong-gusto niya kasi talagang lumabas ngayon.
Nginitian ko siya. “No, Sir. I can see the tension on your legs. You should rest first. Mamaya na lang po ulit,” sabi ko.
Kinuha ko ang crutch niya. Pinahawak ko ito sa kaniya.
Inalalayan ko si Sir Christian hanggang sa makaupo siya sa sofa.
Sumandal si Sir Christian sa sofa. Huminga siya palabas.
