Mabilis lumipas ang isang buwan, naging maayos naman ang takbo ng buhay nilang lahat. Wala rin silang naging balita muli sa nakaraang kababalaghan na nangyari sa buong Slovokandia. Masaya ang lahat at maging ang batang si Daiyu ay mukhang nasanay rin na laging kasama si Desiree. Medyo marunong na rin itong magsalita ng tagalog dahil matiyaga na tinuturuan ng team nila ang naturang paslit.
Kasalukuyan ang preparations nila Desiree at Aaron, ngayong araw magaganap ang plano nilang i-announce sa lahat ang totoong siya at ang nalalapit na kasalan nilang dalawa ni Aaron. Hindi natuloy ang plano ng binata kamakailan dahil may inasikaso ito sa ibang bansa. Anito may binubuo na bagong hideout nila sa bansang Czech Republic. Nakausap kasi ni Aaron ang mismong presidente ng bansa at humihingi ng a
