Kinagabihan, hindi maiwasan ng dalaga na mainis habang nagpapatrol sa kagubatan. Dahil sa maghapon na galit niya sa mga hindi inaasahang pangyayari. Hindi tuloy maiwasan na kahit insekto ay gusto niya ng sakmalin.
Kasalukuyan siyang nag-anyong lobo dahil may napapa-balitang may isang halimaw ‘di umano ang gumagala sa buong Slovokandia. Napakabilog ng buwan sa oras na iyon at nasa tuktok siya ng malaking tipak ng bato upang magmasid sa paligid ng kagubatan. Wala naman siyang napapansin na kakaiba maliban na lamang sa hampas ng hangin sa mga dahon ng mga puno sa paligid. Malakas ang hangin at nililipad ang kanyang napakaputing fur.
Habang tahimik siyang nagmamasid nakarinig siya ng mga ungol ng kanyang mga kasapi. Tila may mga nakitang hindi maganda ang mga ito. Mabilis siyang bumaba sa
