ERIELA
Nang matapos siyang mag-impake ng mga kailangan niya ay agad niyang inilagay sa gilid ng pinto para madali na lang niyang ilabas ang maliit na maleta. Kumunot ang noo niya nang marinig niya ang mahinang hilik sa kanyang likuran. Napalingon siya sa lalaking nakahiga sa kama. Huwag mong sabihin na nakatulog na ito habang naghihintay sa kanya? Napailing na lang siyang lumapit dito at umupo sa gilid ng kama. Pinagmasdan niya ang binata. Halata sa mukha nito ang pagod at stress sa trabaho. Nakakunot pa ang noo nito. Kahit tulog ay sobrang maamo ang mukha at hindi niya maitatanggi na gwapo ang binata. Ang sarap nitong titigan at hindi siya nagsasawang pagmasdan ito.
Napailing siya sa kanyang iniisip. Nahihibang na talaga siya. Tinapik niya ang kanyang pisngi para bumalik sa katinuan an
