ERIELA
Napabuntong-hininga siyang nakapangalumbaba sa sementadong mesa habang nakatingin sa kawalan. Hindi pa rin nawala sa isipan niya ang nangyari sa kanya noong isang linggo. Sariwa pa rin sa kanya ang sakit na naramdaman niya hanggang ngayon. Hindi pa rin niya matanggap na wala na talaga. Wala na sila ni Carlos. Akala niya nagbibiro ito, pero hindi pala. Totoong puputulin na nito ang ugnayan nilang dalawa. On and off ang relasyon nila. Pero ngayon, tinuldukan na talaga ng binata. Nasasaktan, iyon ang nararamdaman niya, pero may ibang kasiyahan siyang naramdaman. Iyon bang sobrang gaan ng pakiramdam niya. Nasasaktan siya dahil si Carlos lang talaga ang nakakaintindi sa kanya sa lahat ng hinaing niya ay nandoon ito. Ang nagpapagulo sa isipan niya ngayon ay kung bakit hati ang atensyon n
