ليث لالا

الباااااارت الاولى .................... في ساحه القصاص :: كانت هناك حشود غفيره تزدحم على رؤيه مايحدث في الساحه وقد كان هناك رجل او اقرب مايقال عنه شاب في مقتبل العمر ولايتجاوز عمره 26 سنه مغطاء الرئس وكان يقف بقربه شخص اعتمر سيفه وهو في استعداد لتنفيذ الكحم وكان في الجهه الثانيه كان واقف اخو القتيل وكان واقف عنده الشيخ يقنعه في التنازل وكان يحاول ويوجهه من كل جهه ويذكره بجازه العفو واخوالقتيل:لاماراح اتنازل هذا قتل اخوي تعرف كيف اقتله. ومازال الشيخ يقنعه. ا خو القتيل:يا شيخ انا طلبت منهم طلب اذا جابوه في خمس دقايق راح افكر اتنازل في هذي الحظه كان ولد عمره 17 سنه جاي يركض لعند ابوه:يبه هذي الورقه اللي طلبتها. ابوه:لا حول ولا قوة الا بالله رح يا ولدي رح عطه امسك هذا اللي طلبته ورني الحين تنازل . اخوالقتيل امسك الورقه وصار يقلب فيها وعلى وجه ابتسامه شبه خبيثه. على عيني بس اقول بالثلاث او واحده. الولدبكره:بالثلاث ارتحت.اخو القتيل مارد عليه وقال يشيخ انا متنازل بس بشرط اليوم املك الساعه7:ونص المغرب عند ابوه:يبه شوف وش يقول على كيفه الابو لامو على كيفه بس وش السواه الشيخ: ها يابو........ موافق. الابو يبكي على المصايب الي نزلت على راسه: موافق يا شيخ موافق. اعلن الشيخ تنازل اخو القتيل والناس كبرت وفرح القاتل ومن كبر فرحته سجد لله سجود الشكر. و اف*جو عنه بعد ما خلصو بعض الا وراق ورجع لبيتهم شاف اهله ينتظرونه فرحوا كلهم وكانت عيونه مركزه على اخته الكبيره كانت دموعها غير عن دموع اهلها كانت مشاعرها مختلطه مابين فرح وحزن مشى بخطوات هاديه وبطيئه لين وصل لعندها نادها بسمها رفعت له راسها :انا اسف ماكان ودي يصير كذا لاكن مقدر اقول الا حسبي الله على اللي كان السبب رفعت يدهالشفايفه تمنعه من الكلام : لاتدعي هذا اللي صار مقدر ومكتوب لا الدعاء عليه بيرجع شي ولابيقدم شي اهم شي انك رجعت لي سالم .ماصدقها كانت عيونها تدل على هذا الشي ............................ بعد صلاه المغرب كان فيه ناس يباركون لبوه على سلامته ومكانوا يدرون ان اليوم بنته تطلقت من خطيبها واليوم ملكتها على اخو القتيل .. كانت البنت تحس بطعنه في ص*رها ماانزعت للحين موجوده اليوم تطلقت من ولد عمتها وحبيبها في نفس الوقت راح تتزوج اخوا القتيل اهي ماتعرف حتى اسمه سوى انه بس اخو القتيل وبعد الملكه راح تروح معه شفتوا اكثر من كذا الم ... في مجلس الرجال كان اخو القتيل موجود وكانت ملامحه جامده . كان قاعد يتذكر اخوه ... اخوه مات عن طريق قتل غيراو شبه عمد صنفه القاضي على انه عمد وكان اخوه كان على وجه زواج كان اليوم اللي بيرجع فيه من الصيد ملكته بس ((قدر الله وماشاء فعل )) جاء المملك وملكهم وكانت البنت وبالغصب تطلع الكلمه من ثمها كانت صعبه مع انها ثلاث حروف عجزت عن قولها كانت كانها مثل انسلال الروح مومثل ملكتها الاول كانت مثل العسل تطلع ................... بعد الموافقه وتسليم المهر وقف الرجال وقال بصوته الجهوري الواثق :: ابغى زوجتي الحين يله وراي خط للشرقيه جن جنون الاب :الحين بس البنت ماامداها تجهز ولاشي على الاقل خلها يومين تتقبل الفكره ياولدي ياصقر """""" ايه كان اسمه صقر اسم على مسمى كان فيما سبق رجل تغلفه الطيبه والحنان والضحكه الحلوه بس لما قتل اخوه وتؤمه انقلب حاله الى حال اخرى اصبح رجل مليئ بالغضب والحقد ولانتقام """" اما اخوها ابو 17 سنه :: ماعليه خلها لو اليوم بكره تعال خذهاا عادي . صقركان ساكت بعد مداخله الولد ... التفت على اللي قتل اخوه ::: وانت ماتبي تقول شي يا ااياد ... كان يقولها بمسخره . إياد بداخله محروق على اخته اللي راح تروح مع هذا البغيض اللي ماعنده ولاذره احترام كان يسب ويلعن في رحله الصيد المشوئمه ... اياد : الشي راجع لك انت زوجها وادراء فيها ... عن اذنك خرج اياد عشان يشم شويت هواء عقب الضيقه اللي حس بيها داخل كان واقف جنب الشجره الوحيده اللي في بيتهم كان يفكر في الاشياء اللي حصلت له فتره وجوده في السجن فقد شغله بعد ماكان رئيس قسم في شركه معلروفه صار بليا شغل حبيبته اللي كان يتمناها من صغر سنه طارت تزوجت اصدقاه اغلبهم تخلوا عنه كانت صداقتهم مجرد مصلحه اه زفره طلعها اياد من ص*ره كانت شوي وتخترق جدار القفص الص*ري من قوتها جلس مايقارب الربع ساعه واذا به يلمح صقر وقد خرج وبرفقته اخته العزيزه على قلبه ... لما شافها كانها جاريه يسحبها خلفه كان وده يرجع بالزمن ومايروح للصيد ولا يشوف اخته وهي زي كبش الفداء اللي انقضه من شض*به السيف ... دخل البيت وهو يشوف امه تصيح بشكل يقطع القلب : راحت راحت بنتي ولاادري متى بشوفها اه عليك يابنيتي ...واخته الثانيه تيح جنبها وتهدي فيها اخوه وبوه كان القهر والحزن مخيم عليهم تركهم وصعد لغرفته ليهرب من الواقع اللي هو عايشه ............. اما على خط الرياض الدمام ..........[ وش تتوقعون يصير لها مع صقر اذا كانت هذي البدايه ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ ((البااااااااااااااارت الثاني )) اما على خط الرياض الدمام .......... كانت السياره يغلفها الهدواء ماعداء صوت الراديو الهامس كانت غير مصدقه لما يحصل معها الان قبل ساعه بين احضان اهلها و الان هي في طريقها للمجهول .. كانت تصيح بلا صوت تكتم عبراتها لاء يسمعها ويشمت فيها . كانت تبي تشوف وجه اللي حرمها من كال شي حلو في دنيتها اهلها ىخطبيها جامعتها .. لاكن مستحيل تحقق هذي الرغبه المجنونه بنضرها .... التفت عليها يسألها بدون نفس وبكره واضح :: تبين شي من المحطه ..... ردت بهدوء :: لا .......شكرا... لأكنها أقدرت تشوف لمحه من صقر لما وقف عند المحطه اللاخيره اللي بين الرياض الدمام نزل من السياره وشافته كان صقرتطغى عليه ملامح الرجوله الشديده والوسامه القاتله ""خلونا نتكلم عنه لمايرجع من البقاله "" واللي زاده وسامه عيونه العسليه النجلاء .والك الجسم الرياضي الواضح من لبسه لثوب هوعمره 32سنه يشتغل في القوات البحريه كان عنده اخو تؤم اسمه ريان كان ريان هذا""نكمل بعدين ارجع "" نزلت عيونها لما رجع .... حط الاغراض عند ارجلها وحرك السياره وبعد مايقارب دقيقه : هيه انتي انتي عطيني البيره اللي عندك مدري اهلك وش حاطين في الاكل اعوذ بالله .. تمالكت نفسها وهي تمد له اليره بيد مرتجفه . التفت عليها وسحب البيره من يدها بقوه : باكلك انا هاتيها خضيتي ابو امها ...وكمان تماسكت بعد ماشربها دق على اهله او بالاحرى اخته كان اسمها صبا : الو السلام عليكم .................الحمد لله وش اخبارك انتي وامي .................بعد يومين انشاء الله جاي .......................هههههههه اقول اسمع ازعاج عندكم احد ................ اهاء ولذا الخزه عندهم ........... اقول بلا كلام فاضي قولي لمي هيا نروح البيت صقر يقوله ..... فاهمه اللحين ........طيب مع السلامه سكر التلفون وهي ترتجف لما سمعته يكلم اخته ولااسمه صقر عز الله رحت فيها.......... وبعد ثلاث ساعات وصل للدمام ووقف سيارته قدام فله مرتبه وفخمه نزل وامرها تنزل وراه وفتح الباب لها امره تدخل وراح يجيب الشناط دخلت البيت ودخلت الصاله وكات عباره عن صاله لونها بيج ولاثاث لونه بني محروق على عنابي ومرتبه بشكل خيالي وكان في طرفها بترينه عليها صوره لشابين في بدايت العشرينات على ماتظن كانوا متماسكين وواقفين قدام البحر ويضحكون طبعا الاول عرفته من عيونه العسليه الكبار والثاني ماعرفته كانت ملامحه حلوه وهاديه وجميل ع** اخوه صاحب الملامح الجريئه استنتجت ان هذا الشخص ؤهوا الذي قتله اخوها وسببه اهي هنا. دخل صقر معه شنطتها وشنطه صغيره كانت له . كان يناظر فيها وهي كانت ولازالت بعابيتها ونقابها شافها تناظر الصورة اخذ ينقل بصره بينها واخوه الي بصورة مشى بخطوات هاديه يغلفها الهدوء ووقف امامها وفي يده الصورة : تدرين من هذا((بلعت ريقها )) هذا اخوي تؤمي دققي شوفي الشبه كان في حله صيد كان قلبي مو متطمن كنت احس انه بيصير له شي وصدق احساسي اخووووووووووووووووك اقتله ((بدى صوته يرتفع بشكل مخيف )) تعرفين يعني ايش اقتله يعني حرمنا منه حرمني من اخوي الوحيد تؤمي الحين حياتي كلها على المحك تعرفين ان التؤم اذا مات احدهم الثاثي وش يصير له ...... قرب منها لدرجه انها لصقت في الجدار وهي ترتجف مابيعد بينهم شي ....صقر بحقد وكره:: كنت راح ارضاء برقبة اخوك بس قلت ليه اهله كلها سنه وينسونه بس انا ماراح انسى اخوي عرفت ان عندهم بنت على وجه زواج قلت خلني اعذبهم في بنتهم قلت اسوي فيها ثلاث اشياء اولاً ))يرفع اصبعه بعصيبه )) احرم بنتهم من خطبيبها.. ثانياً((بصوت اعلى)): اخليهم يزفونها من دون ولاشي زي القطعه الرخيصه بلافستان ولاعرس ولامعازيم ولاشـــــــــــــــــــــي ثالثاً: اخليها تتعذب في العيشه معي ولااخليها تشوفهم او يشوفونها الاء ما انا اوافق .. هنا صاحت بشكل يقطع القلب ليه ليه يسوي فيني كذاء انا وش سويت له كل الناس تحب اعيالها واخوانها بس مايسون مثله .. واذا كذاء البدايه الله يستر من النهايه ... صقر لماشاقها تصيح ضحك :: ههههههههههههههههههههههه ياحبيبتي وفري دموعك لاحق على الاسراف فيها هههههههههه قام عنها وتركها وسط خزنها ودموعها حرام عليه حرام .... في بيت عمه صقر .............: يمه يله سعود ينتظرنا برى .. ام صقر : صبا ووجع فهمنا ساعه تكلمين غسق والحين توك تتذكرين ان سعود برى امشي ..... طلعو من بيت ام سعود خالتهم "" ام سعود هذي تصير اخت ام صقر عندها سعود اصغر من صقر 25 ووراه ريم 22مخطوبه حق ولد عمها فهد ووراها غسق بنوتها كلها دلع وبرائه نفس عمر صبا 18 سنه واخر العنقود عبد الملك 10 سنين "" نروح لصقر : انتي هيه قومي اوريك غرفتك قامت معه وهي لسه بالعبايه صعدت الدرج وراه ومشاها لاخر غرفه في الممر فتحها وكانت غرفه مرتبه بس اشوي مغبره ... صقر:اسمعي هذي راح تصير غرفتك مؤقتا لين اعدل وضعي معك .......... شافها لين اللحين بالعبايه تكلم بنذاله:: اشوفك لين اللحين بالعبايه اقول وراى ماتفسخينها ترى مافي احد غيب زوجك انا ترى ههه ......اهي بغت تنهبل كيف تكشف عند واحد محسوب علي زوج من خمس ساعات بس سكتت ماردت عليه .. صقر::: هيه انتي افسخي ...بعدين ناضرها ::واالاتبيني افسخها عنك .......صرخت :لا صقر: وش يعني لا تاليتك بتفتشين . ........................: مو اللحين بعدين .. صقر كان بناظرها ويحس انه مستانس بعذابها واحراجها وسماع صوتها الباكي .وكان متسند على الجدار كأنه يقول ماوراي شي انتظر ..استمرو على هالحال شوي لايسمعون فتحه الباب تحرك وهو يقول لك خمس دقايق تعدلين وتنزلين تحت . دخلت الغرفه وهي تكتم العبره وتقول خلاص يكفي دموع لازم اصير قويه ولااخلي شي يحطمني زياده مسحت الدموع اللي نزلت وفتحت عبايتها والقت نظره على ملابسها كانت لابسه فستان وردي قصير لنصف الساق كان فيه زي الحزام من تحت الص*ر بس من قماش وجاي زي الطبقات وعلى جنبه ورده وكانت فتحه الص*ر مثلثه والفستان جوبانيز حلووووووووووووووووو مره ملي جسمها ومعطي لون حلو لجسمها اهي ((خلوني اتكلم عنها مره وحده))"" "" "" عمرها تقريباً 22 سنه حلوه مو بيضاء مره بس لونهااااااااااااااااااااااااا جنان عيوناها حلوه اللي يناظر فيها ماوده تنزل عيونها شعرها ااااااااااااااااااااه ياشعرها اسود سواد الليل طويـــــــــــــــــــــــــــــــــــــــــــــــ ـــــــــــــــــــــــــــــــــــــل قبل ركبها بشوي وقاصته من فوق ومدرجته من تحت فيها براه تهبل بالواحد اهي كانت قبل مخطوبه ومتملكه على ولد عمها اللي تحبه بس لمااخوها سوى اللي سواه شرط اخوالقتيل اوه قصدي صقر بنتهم وتطلقت واللحين اهي معه والله يستر مايصرون اهله مثله "" ................................:: وش اسوي ب*عري وهقه اسقر ت على تنزل خصل على وجهها وتمسكه من ورى بشباصه .. جاتها الشغاله : ماما يقول بابا صقر انزل تحت الهين بسرئه .. اخذت نفس وهي تدعي ربها ييسر الموقف عليها نزلت وراء الشغالة ودخلت الصاله لقت مره كبيره ماتدري ليه من ملامح وجهها ارتاحت لها وبنت امبين ان عمرها تقريباً 16 سنه دخلت وهي منزله راسها وهي تسلم همس . ام صقر وقفت وقربت منها تسلم : هلا والله بمرت والدي وش اخبارك عسى ماتعبتي من الطريق وانا امك تعالي صبا سلمي على مرت أخوك ... سلمت صباء وهي مستانه انه فيه احد بيقدمعها من عمرها .. كانت فرحانه من هذا لاستقبال على الاقل اهله طلعو احن منه .. ام صقر : مشاء الله عليك قمر الله يحفظك ... ماقلتي لي وش امك يابنيتي .. ............بهدوء مستحية : اسمي .................. رْيان صبا: ايش ريان .. رْيان : لارْيان سكني الراء وافتحي الباقي . صباء : اها ء . التفت على اخوها : مشاء الله صقر تهبل هذي وين لقيتها صقر بسخريه واضحه وهو يلعب بالجوال مومعطيهم بال : ابد لقيت ناس يوزعون بناتهم ببلاش عند الاشاره وخذيت وحده وهذي هي قدامك .. اخنقتاها العبره افهمت قصده بس امه ماسكتت : صقر عيب عليك الكلام اللي تقوله ترضى احد يقول كذاء عن صبا كان قوت الدنيا وقعدتها واللي ماترظه لاختك لاتراه لغيرها وانا امك ساكت ماقال شي جلسو يسالفون ويا ريان في اموركثيره منها أي سنه جامعه وش التخصص وهكذا .........زز طفش صقر وقام بيرقاء الدرج بطلع من الصاله وقفته امه ام صقر:: صقر يمه اكيد اهلها ماامداهم يسون لها حفله وش رايك نسوي حفله صغيره عشان تفرح مثل البنات .....قطع كلامها : يمه ماهو لازم وبعدي من قال اني بسوي لها حفله ماعد الااهي قاتله اخوي واسوي لهم حفله كبرت ام صقر : صقر وش ذاء الاستقبال البارد للبنت ..التفتت لريان : ادري يابنتي ضروف الزواج اللي مريتي فيهاصعبه اشوي شوفي كانك تبين شي اطلبي لايردك شي ..والفت على ولدها : بعدين انت استح على وجهك وش قاتله اخوك وش هالكلام كم مره قلت لك اخوك مات قضاء وقدر وانت مو راضي تقتنع اناقلت لك بس انت اصريت على رايك بس قلت ماعليه شهر شهرين ويستوعب بس راسك يابس فرحت لماقلت انك بتتنازل وتتزوج بنتهم قلت ماعليه فرحه زواج بنتهم ورقبته ولدهم بس اللي ماكنت ادري عنه انها كانت متملكه لولد عمها وانت طالبت طلاقها وفي نفس يوم طلاقها ملكتها وجبتها عشان مايمديني ارفض وشذا القلب ياولدي ................... هدواء يغلف المكان ............ صقر بهدواء : يمه مافيه حفله ولاحتى عزيمه اسأليها كان تبي ...التفت عليها بنضره ق*ف : انتي تبين حفله... عزيمه... عرس تكلمي بسرعه وراي دوام ....... ريان برتجاف :: لا مابي شي .. صقر :يمه سمعتي ماتبي تصبحين على خير الغاليه .. رقى درجتين ولاجع : انتي يا.... تعالي ابيك اشوي ... قامت بخوف منه : نعم ..........: تعالي فوق ...... رقت معه فوق ...عند باب غرفتها : اسمعي معك جوال . ............: لا نسيته عن اهلي ....... .................: زين اسمعي ياويلك لو دقتي عليهم او استخدمتي أي شي واسمعي الغرفه اللي في اول السيب ماتقربين لها .. فاهمه ...........: فاهمه صقر: اقلعي نامي لاتجلسين معهم بكبرون راسك على الفاضي ............ ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ البااااااااااااااااااااااااااااااااااارت الثالث ..........:graaam (274): ريان كان ودها تروح وتجلس معهم تحت بس اهو يوووووووه البلشه ودها تكلم امها اكيد تحاتيني ياقلبي ياامي ....... توه بتدخل الغرفه الا صبا تنادي عليها صبا: ريان تعالي لغرفتي نتونس امي نامت .... ريلن : لاوالله معليش ديخه فيني النوم . صبا ما اقتنعت اقول امشي بس سحبتها ودخلت لغرفتها كانت مره بناااااااتيه وردي &وردي فتحت ريان ثمها : مشاء الله غرفتك ورده مثل غرفتي بس انا على موف وتفاحي جناااان صبا: احم .......احم اختياري انا وصقر وش رايك ؟ ريان : صقر ؟ صبا تجلس على السرير: ريان ادري بتقولين صقر بغيض كريه بس تراه طيب مررررررررررره بشكل ماتتوقعينه شوفي اهو بس متأثر من الحادثه اللي صارت كلنا متأثرين بس اهو بزياده عشان كانوا قراب مره من بعض ولااهو بس يعصب اوقات الزوم .......وبعدين تره مررررررررره حبوب وحنون ثقي فيني بيجي اليوم اللي يصير بينك وبينه حب ومن هالسوالف ...........ز استحت ريان :اقول بس معاد الاهي البازارين يتكلمون ؟ صبا:انا بزر حرام عليك عمري 18 السنه الجايه جامعه ريان : اوه ماقدي والله اسفه المره الجايه مااقط كلام على الفاضي صبا:ههههه ماعليه اقول وش رايك تنامين معي ريان ودي بس : لامشكوره ........ باي طلعت ودخلت الغرفه وغيرت لبسها ببجامه وفكت الشعر وناااااااااااااااااااامت من التعب والضغط اللي جاها ((الحين ريان صقر وام صقر وصبا نامو ا وشرايكم اود*كم لابطال ثانين )) في الرياض رجعنا""يووووووووووووه الطريق تعب مانبي راجعه "" في بيت اوشقه بس اشوي كبيره كانت هناك وحده من البطلات غير ريان ولها تاثير في الروايه من جميع الاطراف كانت هناك همــــــــــــــــــــــــــــــــــــــــــــــــ ـــــــــــــــــــــــــــــــــسه البطله المقعده المضلومه والمحرومه والمعذبه همسه عمرها 25 سنه تشتغل في جمعيه خيريه كبيوتر مملوحه حيل بريئة وطيبه متزوجه من مشعل النحس شاب طايش سكيروفوق كذا مدمن م**رات اهلها زوجها مشعل على قولتهم بناتنا كلهم تزوجو وكذلك اعيالنا ولمن نترك همسه خلنا نزوجها لهسكير كود تصلحه وتعقله اهم قالوا كذا لانفسهم تزوجته مع ان قلبها راااااااااااااااااااااااااااايح لواحد ثاني وهالواحد كان مودع قلبه عندها بس الظروووووووووووف اللي فرقت بينهم همسه من يومها صغيره ام 7شهور اهلها استغربوا عدم قدرتها على تحريك رجليها خافوا عليها ودوها لدكتور عضام اطفال بس كانت نتيجه الكشف ان البنت مصابه منذوا ولادتها بشلل نصفي وانه لايوجد لها علاج هنا وانما ممكن في الخارج ونسبته نجاحه قليله ولضيق الحال تركوها ولاداها بلاعلاج ولاكن الحسنه الوحيده اللي سوها لها انهم خلوها تدرس وتكمل تعليمها في غرفتها كانت تستعد للنوم لان غدا هويوم السبت انتهت اجازه الاسبوع كانت توها بتحط راسها على المخده الاء اللي يفتح الباب بقوه على اخره ؟..................: انتي هيه قبل لاترقدين هاتي خمس ميه بروح اشتري مشروب همسه بدواء : مشعل مامعي بنام بكره دوامات " مشعل يترنح في الوقفه : موشغلي دبري لي ؟ همسه :وين ادبرلك بعدين مامعي لاخمسين ريال اخر الشهر منوين ادبر لك ؟ظ مشعل يقرب منها ويجلس على طرف السرير: همسوه طلعي اللي عندك لااطلعه بطريقتي همسه خافت: ماعندي اكذب عليك انا . مسكها مع شعرها :اقول انتي يالمعوقه طلعي الي عندك الراتب اول الشهر وين يروح من تصرفين عليه لااخلي ليلتك سواء اكثر منها سوداء كانت تتألم اهي معها بس ماراح يكفيه بيقول ابي همسه :فيه متين في درج التسريحه وخذا الفلوس وقال :يمشون الحال باي ياالمشلوله نامي بكره دوام هههههههههههههههههههه تصدقين مدري ليه تزوجتك نصف مره مدري وش بتسوين لي هههههههههههههههههه طلع وهي تمسح دموعها اللي صارت شبه يوميه الله يهد*ك كانت تدعي له ولاتدعي عليه تطلب من الله بستر عليها ويحميها من اللي قاعدين برى ويهديهم ويتركون هالسم بس اه لو يرجع الزمن في احد المحافظات جنوب الرياض : ((ادري درن اللمملكه بس وش نسوي الشخصيات بعيده )) بــــــــــ 350كم ..................: اتصدقين اني اشتقت الاهل الشرقيه ؟ ...............: لاوالله الاهل الشرقيه ولا للي ساكن الشرقيه .............: الاثنين . ............: مرام اعقلي وخلي سوالف المراهقه عنك مرام : يااختي هذي مو مراهقه هذا حب حتى تصدقين اني اذا كلمت صبا ورد علي يسولف ويسأل عن الاخبار الجازي اهو يحبني انا متاكده حتى اذا جاء يجلس معانا ويسالف معي ويطنش الباقي الجازي : اقول ماعندك سالفه اللحين صقر يطنش الباقي انتي ماتعرفينه هذا مطنش بالعيله كلها ومنعزل عنها ودايم اذا طفش قام يسولف مع أي احد سمعتي .. طنشت مرام كلام اختها ""مرام هذي تحب صقر مع انه اكبر منها بكثير عمرها20 سنه تدرس في كليه المحافضه حلوه بس اذا احد قرب من شي يخصها او سوى أي شي لها تطلع كل خبثها فيه والجازي اختها عمرها 26 سنه متزوجه من ولد جيرانهم متعب عن حب بنت مره حبوبه وحلوه احلى من مرام عندها بنوته مثل القمر عمرها شهرين : سمت الجازي صوت متعب في الصاله يسلم على امها والجده قامت تلبس عبيتها وشالت بنتها لما طلعت دخلت الصاله ابتسم وهويقول : هلا بالحامل والمحمول هلاو الله بمرتي الحلوه استحت مع انهم من زمان متزوجين واهلها تعودو على حركاته سلمت على امها والجده وطلعت معه في السياره اللجازي : ليه انت تحب دايم تحرجني متعب : لاني احبك واحب اشوف الخدود محمره الجازي : طيب بس ياويلك ان عدتها انت حتى قدام اهلك تحرجني متعب : وش اسوي اذا كان حبك مبتلين ومخلني اذا اشوفك اتدوده ابتسمت الجازي واهي تدعي ربها انه مايفرق بينها وبين زوجها بشي ويتمم عليهم المحبه وصلو البيت وشالت بنتها وحطتها في سريرها لقت زوجها منسدح على السرير وكانه مهموم وتعبان مره استغربت منه قبل اشوي يضحك وويستهبل معقوله ماسكه نفسه عشان مايضايق احد جلست عند راسه ودنقت لعنده : متعب ش فيك متعب يقوم ويعدل سدحته ويحط راسه على فخذها اهي مامنعته بالع** جلست تلعب ب*عره تنتطره يتكلم متعب : تعبان يالجازي المشكله كل مالها وتكبر اخاف من اليوم اللي يجي ونكون احناوياك الضحيبه بسب هالاخلاف الجازي انا ان ابتعدت عنك امووووووووت والله اموت قاطعته الجازي : لايامتعب ان شاء الله تنتهي ولا راح تسبب تحسس بين العايلتين ولاراح يصير شي ...........وبعدين انت ليه تفكيرك سوداوي قوم نام بكره دوام رفع راسه ولف يناظرها اهي استحت : همس لها احبك يالجازي احبك الجازي : خلاص متعب خلنا ننام قبل الاتقوم جنى نام متعب والجازي وكل واحد خايف من ان المشكله تكبر واللي بيروح فيها اهم بعــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــد ثلاثه ايام العصر في الشرقيه كانت ريان و صبا وام صقر في الصاله يتقهون ويسالفون ريان كانت سرحانه باليومين اللي فاتو ماحتكت فيه ولاحتك فيها وامس كانوا جيين بيت عمتهم تعرفت على ريم وغسق بس انسجمت مع غسق وصبا اكثرمن ريم عشان خبالهم اهي لحد اللحين ماكلمت اهلها وكل مسألتها خالتها كلمتي تقول ايه كلمت تسلم امي عيك ودها تطلب من صبا جوالها وتكلم بس خايفه منه خايفه مشتاقه لهم كلهم ول.......لماجد .... ودها تسأل اياد او مشاري عنه كيف هي احواله ياترى لين الحين متأثر والا.............. اه ليت كل اللي مريت فيه حلم واصحى منه ولقى امي تقومني وبوي وخواني حولي وماجد جاي على الطريق اه بس قطع عليها تفكيرها الزوج المصون صقــــــ؟؟؟؟؟؟؟ر وهو يدخل الصاله بحضوره القوي سلم على امه وجلس ببدلته التفت عليها : هيه انتي قومي .............روحي المطبخ سوي لي عصير طازه مابي معلب برتقال يله قامت وهي ماسكه نفسها الحين هذا كل مشافني تذكر وش يبي كرهني في عيشتي اف منه في الصاله ام صقر : اقول صقر ليه ماتعاملها بأسلوب احسن من كذا مهما كان هذي زوجتك وام عيالك ياصقر ؟ صقر: نعم ام عيالي تعقب هذي زوجه ويالله ... يصرخ : هيه انتي وين العصير تصنعينه ام صقر: صقر وش قلنا عدل اسلوبك بعدين الى متى انت وياها كل واحد في غرفه من بكره تروح وياها تشتري غرفه جديده وتحطها في الغرفه اللي في اول السيب الفوقي ........ توه بيتكلم : اسمعني مابي أي شي ولاعذر يكفي صقر حركات بايخه تحسبني مدري عن شي غلطان . سكتوا وجابت ريان له العصير رفع عيونه يناظرها وبعدين خذا العصير منه شربه وطلع فوق يغير ملابسه وينام شوي قبل صلاه المغرب جلسو اشوي قامت صبا تدرس ""اخر سنه "" وام صقر تكلم ااختها طفشت وقالت لنفسها اهو يقول ماتكلمين اهلك الاذا وافقت بروح له واقوله خلاص ميته بكلمهم قمت ورقت فوق توها بتدخل الغرفه اتذكرت انه يقول هذي الغرفه لاتدخلينها ياربي وش اسوي فكرت ولقت انها تقول نسيت طقت الباب ومارد عليها يوه اخل ولا لقت نفسها تفتح الباب شافته يلبس البيجاممه ناظرها بعصبيه ومسكها مع يدها ودفها داخل غرفتها : انتي ماتفهمين قلت لاتدخلينها ودخلتي وش تبين مني لاحقتني بكل مكان ؟؟كان يصرخ وينفعل بدون سبب بس عشان يحط حره امه فيها ريان تصيح ماتستحمل احد يصرخ عليها : والله اسفه بس كنت ابي اكلم امي والله مشتاقه لها تكفى صقر اسوي أي شي تطلبه بس اكلم امي تكفى . كان شكلها يقطع القلب وفي مرميه على السرير وشعرها مغطي وجهها بسب الدموع وصوتها المرتجف وترجيها له سكت وكان ص*ره يعلو ويهبط ماتحمل شكلها وطلع من الغرفه ودخل غرفته : اوه هذي بتذ*حني وتخليني انسى اللي جانا من ورى اهلها بس لايمكن اخليها تكلمهم بس هي ترجتني ..........ز جلس يفكر في حل لقى انه ...................... راح لغرفتها وفتح الباب بقوه :: بتكلمينهم بس بشرط ..... نزلت ريان من اسرير وهي تعدل شعرها وتمسح دموعها : وش الشرط قول امر لو تبي روحي عطيتك سكت صقر .....بعدين قال: اليوم امي وصبا بيروحون السوق وابيك تقولين لهم انك ماتبين تروحين .. وابيك اذا راحوا تنظفين غرفه السواق من يوم ماراح وهي مسكره وصراحه ابي اقلبها مجلس اضافي للربع نظفيها فاهمه ريان شوي وتنهبل غرفه السواق ليه ليه : موافقه بس اكلمهم طلع جواله ومده لها : بس مابي أي تسريب عن اللي يصير بالبيت......خذت الجوال من يده وهي تقول : طيب...... دقت الرقم من السرعه نست الرقم الاخير بعدين تذكرت ودقت على اهله ........................ طولت ماردو بعدين ردو :الو .........: الو مين ؟ ريان : انا ريان يامشاري مشاري : ريان هلا وينك يختي ماتدقين وش اخبارك وشلونه معك ووشون اهله معك مرتاحه قوللي وان اخوك والله اجيك واخليه يطلقك غصب .............. قاطعته وهي تقول :: ماعليك مني الحمد لله مرتاحه ومريحني مره واهله مررررره طيبين مشاري وش اخبار امي وشلونها ووشلون ابوي وليان واياد طمني عنكم مشاري : الحمد لله كلنا بخير وانتي صدق مرتاحه ريان ياقلبي ياخوي : والله مرتاحه وش تبي بعد خبرني عنكم مشاري: ماشين الحمد لله اقول ريون اهو كيف يعاملك وااهله بعد كيف؟ ريان: مره طيب في تعامله ((ايه هين )) واهله عسل خاصه امه ولااخته شي ثاني مره طيبين اقول مشاري امي عندك مشاري لا والله طالعه لعمتي بنتها مها انخطبت ريان : مشاء الله الله يوفقها اقول .............. مشاري وش اخباااااااااااااااااااااار ........ فهم عليها مشاري : ماجد ....... ريان صح انتي اختي الكبيره بس ترى مايجوز تفكرين فيه هوصح كان زوجك بس ترى انتي على ذمه واحد ثاني لو انك ماتبينه وماخذته غصب هذا مايرضي ربي وانت عارفه انسيه ريان انسيه عشان ترتاحين منه وفكري بالايام الجايه كيف راح تتصرفين فيها ........ ريان :كيف انسى كيف قلي هذا مستحيل وانت عارف والعايله كلها ايش يعني لي مشاري كان ساكت وهو يسمع عبراتها : ريان حبيبتي غيري السالفه وش صار على الجامعه ماراح تداومين الامتحانات ترى اخر الشهر الجاي بتبدى وانتي اخر سنه قولي له حرام تروح عليك السنه ريان : مدري بس احاول لعلى وعسى .................. اقل شكلي طولت على الرجال سلم عليهم كلهم وقولهم راح اكلمهم قريب وقول لاياد لايكدر خاطره قوله مرتاحه معه ومع اهله طيب مع السلامه .................. سكرت من اخوها التفت تدور ه لقته منسدح على السرير ونايم اسغربت يوووووه شكلي طولت بالمكالمه كان نايم بالعرض قربت بشويش منه كانت ملامحه طفوليه وهو نايم الله لو يكون كذا لو كان صاحي جلست تتأمل وجه وكل شي فيه كان بجد وسيم فجاءه بدون سابق انذار جاء في بالها مـــــــــــــــــــــــــــــــــــــــــــــــاج د قارنت بينهم لقت صقر شخصيته قويه اكثر منه ووسامته تذ*ح بع**ه اهو حلو بس مو مثل صقر صقر هذا يقدر يخفي مشاعره بقوه اما اهو اللي بداخله يبين في ملامح وجهه ....... وهي مستغرقه هي التأمل الاء صقر يفتح عيونه بخفيف شاف خيال قدامه غمض عيونه مره ثاني وعود فتحها لقها جالسه على السرير قريب منه اشوي تأملها بعدين قام وهو يقول بتعب من نومته ولاله خلقها : خلصتي ريان : هاااه ايه صقر خذا الجوال منها وهو يقول : لاتنسين اللي قلته غرفه السواق .................. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ لا احلل مسح اسمي من على الرواية .. ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ البااااااااااااااااااااااااااارت الرابع وصل ووراه البارت الخامس في بيت اخر في احد احياء الخبر ............................: مستحيـــــــــــــــــــــــــــــــــــــــــــــ ـــــــــــــــــــــــــــــــــــــل ابدا ....................: وش اللي مستحيل ؟ .........: يبه مستحيل اتزوجها انا مابيها ابو فهد : اسمعني زين يا نواف بنت اخوي لك ولاراح تصير لغيرك نواف : يبه يكفي فهد خاطب ريم وتوه متملك عليها السبوع اللي راح يعني لازم نصير طقم بعدين انا ابي بنت خالتي هيفاء ابو فهد : شف يانواف انا ماربيتك عشان ترفع صوتك علي اسمعني انا قلت كلمتي وما اثنيها بناااااات اخوي لعيالي اظن تفهم .....................نواف حز هي نفسه اهله يغصبونه على الزواج كأنه بنيه خذا غترته وبيطلع وقفته امه : نواف وليدي تكفى لاتروح وش فيها بنيت عمك والله انها احسن من بنت اختي نواف: يمه غيرها ماابي ااناماني سفيه ولاصغير تختارون لي ....................... أبو فهد : شف غير بنت اخوي ماراح تأخذ ولا اطلع ولاعاد ترجع ........ انهبل فهد ووعود وامهم والاكثر نواف ايوي يتبرى مني كيف وهذا وانا اقرب اعياله له . عطى امه نظره بمعنى ليه ... وطلع ........ جلس يمشي بالسياره وهو يفكر بالمو ضوع والله مافيه شي يستاهل يخلي ابوه يتبراء منه عشانه لاوالمشكله الاكبر انه صار شي يستاهل بنت اخوه ..... اف الله يأخذك يا .... الاهي وش اسمها ..... انا وش ابي اسمها يكون اللي يكون ........ بس الحين المهم هيفاء حبيتها من انا في الثانوي لين توظفت . بعدين فكر في الموضوع والله مافيه شي يخليني ازعل ابوي علشانه وهوا اغلى علي من نفسي . جلس ساعه على البحر ورجع االبيت بعد ماصلى المغرب ...رجع وهو يتمنى مايلقى ابوه بس خاب ضنه لما لقى اهله كلهم مجتمعين يسالفون .......: السلام ........ ردو اهله السلام ...ابوفهد : هاه وش قلت ظنتي ماطلعت من عصر ولااستقريت على راي........ نواف : يبه انا موافق اتزوج بنت عمي بس عندي شرط ابوفهد: تتشرط وش تبي ....... اهو ماعند شي بس حب يتفلسف : انا اللي اسكن في البيت وفهد اللي يطلع . ابو فهد:.... بس نواف : ايه ابو فهد : خلاص بكره نروح نخطبها لك بعد صلاه العصر ... نواف: بهذي السرعه ابو فهد : ايه مابيها تروح منا . طلع نواف لغرفته وهو يقول لنفسه مدري على ايش تروح لحقته وعود . دخلت بعد ه بعد مادخل : نواف ما يجوز اللي تسويه وكله عشان بنت خالتي والله ماتستاهل ترفع صوتك صوتك على ابوي عشانها . نواف : وعود مالي خلقك وشوفي اذا بتتكلمين في نفس الموضوع اطلع برى مابي اسمع شي وراي مرابطه . ماصدقته وعود لانه قايل انه ما عنده مرابطه الابكره اليوم الصبح طلعت من عنده ودخلت غرفتها تصحح اورق البنات .... خلوني اقولكم عن عائله ابو فهد "" فهد يشتغل في وزاره التربيه والتعليم عمره 28 ونواف شاب حلو واللي يجننه انه يلبس نظارات على عيونه الناعسه يشتغل في الشرطه اما عن البنت الوحيده وعود بنت مررررررررره مملحه شعرها لين تحت اكتافها عيونا كبار حلوه عمرها 23 مدرسه انجليزي "" في بيت ابو اياد "" اهل رْيان "" كان اياد يكتب خاطره عن حبيبته "" بعنوان ""اللقاء المستحيل " أتى الليل الحالك .... وقد توارت الشمس خلف الافق