Point of view
- Ailana Martinez -
Tumambad sa aking mga mata ang isang malaking silid. Sa tabi ng kama na aking hinihigaan ay isang bintana na may dalawang bukasan. Ang taas nito ay tila mula sa kisame hanggang sahig. Matatanaw sa balcony na ito ang maganda at asul na dagat, samahan pa ng isang puting buhangin at tahimik na bulong ng hangin.
Tila ang lugar na ito ay isang paraiso, isang lugar na halatang malayo sa syudad.
"E-Eli, anong ibig sabihin nito? B-Bakit ako nandito?" sigaw ko kay Eli at nagsimulang tumayo mula sa pagkakahiga ko sa kama.
"Bakit hindi mo sinabi sa akin ang tungkol sa pag-resign mo, Yana?" pagputol niya sa akin na tila hindi narinig ang aking pagsasalita. "Kung kailan magkasama na tayong muli, ngayon ka pa lalayo sa akin, Bakit? Sabihin mo!" muli niyang sigaw.
