Point of view
- Ailana Martinez -
Ilang linggo na rin ang nakalilipas simula nang pumasok ako bilang kasambahay sa bahay ni Ma'am Irish Lopez. Ngunit sa loob ng ilang linggo na iyon, walang araw na hindi ako nakararamdam ng kaba. Pakiramdam ko ay madalas akong pag-initan ni madame. At kung minsan, hindi niya napipigilan ang kanyang sarili at napagbubuhatan niya ako ng kamay.
Ang sabi sa akin ng aking mga kasama, hindi naman daw dating ganito si Ma'am Irish. Mabait siya noon sa kanyang mga katulong. Wala rin siyang bad record sa agency kaya nga ako ay napunta sa kanya. Ngunit nang hiwalayan daw ito ng kanyang kinakasama, nagsimula raw itong magbago at naging mainitin ang ulo.
"Yana! Ano ba? Kanina ko pa hinihintay 'yong kape ko, ha?" sigaw sa akin ni Ma'am Irish mula sa salas.
"P-Pasen
