Point of view
- Ailana Martinez -
"As I said, she is my assistant. But now.... She is my girlfriend."
Ang salitang iyon ay paulit-ulit sa aking isip. Tila isang radyong kahit anong gawing iwas ko, muling bumabalik sa aking tainga.
Hinagod ko ang aking sentido gamit ang aking daliri, saka sumandal sa nakatiles na pader dito sa loob ng Comfort room.
Masakit sa ulo ang mga bagay na sinasabi ng lalaking si Wong. Wala akong ideya kung ano ang plano niya, ngunit hindi ko na nagugustuhan ang mga nangyayari.
Nang masulyapan ko ang aking mukha sa salamin na nasa harapan, muli akong namangha dahil sa malaking pagbabago na ginawa sa akin ni Wong. Napakaganda talaga ng ginawang pagkaka-ayos sa akin at masasabi kong magaling pumili ng damit si Wong, hindi maipagkakaila na isa talaga siyang modelo
