Nandito na kami sa bahay dahil pinauwi na rin kami ng doktora. Marami daw kasing pasyente ngayon at kailangan talaga ang patient ward.
“D’yan muna kayo dahil may gagawin pa ako sa baba.”
Paalam ni Zy, sabay lakad palabas ng pinto. Mahabang katahimikan ang namayani sa pagitan namin ng aking asawa bago siya magsalita.
“Pagkaalis ko dito sa bahay nakita ko na may pamilyar na sasakyan sa labas, hindi ko pinansin dahil nga abala ako at kampanti na nilubayan na ako ni Victoria. Pagdating ko sa opisina humingi kaagad ako ng kape kay Dan. Hindi ko akalain na ang matagal at pinagkakatiwalaan ko na sekretarya ay magagawa akong traydurin.”
Paunang kwento ni Creed habang namumula ang kanyang mga mata at nakayuko sa harapan ko.
“Nagulat ako dahil ilang minuto lang ay parang nakaramdam ako ng
