Isang buwan na ang nakalipas matapos namin maabutan ni Zy ang kanyang ama at si Victoria na magkayakap na walang saplot sa silid ng opisina. Si Victoria ay na-hospital matapos ang ginawa sa kanya ni Creed. Hindi naman naghain ng demanda ang babae o ang kanyang pamilya dahil pinatumba na pala ni Creed ang ilang negosyo ng mga Heussaff. Ang natira ay maliit na lang na kayang patumbahin din ni Zy sa isang iglap lang kaya hindi na nag habol pa sila Victoria.
Sa loob ng tatlong buwan na therapy ng aking asawa marami naman pagbabago kay Creed, kaso madalas nakatulala lang siya. Naawa na din ako kay Zy na siya ang nag-aayos ng mga napabayaan na negosyo ni Creed.
“Baby, sabi ng doctor matagal ng may mental health issues si Papa, halos isang taon na ito nagpapagamot. Lumala lang ng nangyari nit
