“Zy, anong oras na?, hapon na pero wala pa rin si Creed. Nag-aalala na ako sa kanya, ni wala man lang text or chat sa akin maghapon.”
“Oo nga baby, ako na lang ang pupunta sa office ni papa, baka nandoon pa.”
“Sama ako, Zy.”
Sabi ko sa lalaki na tinitigan muna ako bago parang nag-iisip.
“Sige, basta magsuot ka ng jacket ha. Baka kasi mahamugan ka. Parang uulan pa naman.”
Sabi ni Zy na sinunod ko kaagad, umakyat ako ng silid namin at kumuha ng jacket na hoodie. Pag baba ko ay mabilis kami na nag byahe patungo sa office ni Creed. Halos trenta minutos lang ay nakarating na kami sa building ng kumpanya ng aking asawa. Mabilis kaming nakapasok sa loob at lulan na nga kami ng elevator ngayon.
“Sana nasa opisina pa si Creed.”
Sabi ko kay Zy na inakbayan pa ako bago hinalikan ako sa noo.
