NA’NG dumating ang room service, kumain na kami ni Kruger habang in-e-enjoy ang magandang foggy view. Sa balcony pa rin kami pumuwesto para sabay naming masaksihan ang sunrise. Kung maaabutan pa namin. “Peach or apple?” Iyan ang tanong sa ‘kin ni Kruger habang tahimik kong kinakain ang pancake ko. Inangat ko s’ya ng tingin. Pinupunasan n’ya ang hawak na maliit na kutsilyo.
“Apple,” mabilis kong tugon sa kan’ya. Kaagad na dumampot ng isang pulang mansanas sa fruit bowl. Naka-lapag lang iyon sa gitna ng circular table. Pinagmasadan ko s’yang binabalatan iyon paikot kagaya ng nakasanayan n’yang gawin.
Tumagos ulit ang aking paningin sa labas ng balcony. Mahamog pa rin talaga. Hindi pa umaangat ang araw na nagtatago sa likod ng mga nagtataasang bundok sa malayo. Kinapitan ko ang baso na na
