NAG-PAALAM muna ako kay Crista dahil nga pinapatawag daw ako ni Kruger. Habang nasa loob ng elevator, hindi ko maiwasang mapa-isip kung bakit n’ya kailangan ng kaagapay ko at ano naman kaya ang ipapagawa n’ya sa ‘kin.
Direktang hinatid ako sa kuwarto ni Kruger. Naamoy ko agad ang aroma n’ya sa buong kuwarto. Hinanap ko ang kan’yang madilim na presens’ya sa kalawakan ng kan’yang silid but I haven’t seen him.
Humakbang ako paalis ng elevator habang iginagala ko ang aking tingin. His bed is already organized. Naka-ayos at naka-tupi na ang kan’yang malalaking unan pati kumot. Wala akong nakikitang kahit konting gusot sa itim n’yang bed sheet.
Napa-dako ang aking tingin sa paanan ng kama kung saan nandoon ang Cleopatra sofa at center table. May golden ash tray na naka-lapag doon at may umu
