Mataas na ang araw ng magising si Agnes, agad namang hinanap ng mga mata nito ang anak na si Clarissa,
dahil doon ay mabilis itong tumayo at humakbang patungo sa isang kuna na gawa sa kahoy na katabi lamang ng kanyang higaan.
Masusi niyang tiningnan ang loob ng kuna, at sa ilang saglit lang ay napangiti nalang ito ng makitang nasa kailaliman parin ng pagtulog ang anak.
Agad na pumasok sa kanyang isip na ubos na pala ang gatas ng sanggol, kaya dali-dali itong lumabas upang pumunta sa kanilang kusina.
Pagka-bukas pa lamang ng pinto ay agad ng umagaw sa kanyang pandinig ang malakas na boses na ama.
“Susan, di ba napag-usapan na natin ito? kailangan na nating makalipat ng tirahan sa lalong madaling panahon!!”
tugon ng matandang lalaki
“O sige na, aantayin ko nalang ang paggising
