"Miss, miss..." Naalimpungatan si Sam sa mahinang yugyog sa kaniyang balikat. Marahan niyang iminulat ang mga mata. Isang lalaking nakaputi ang kaniyang nabungaran.
Nalilitong inilibot ni Sam ang paningin, base sa nakikita niya, nasa hospital siya!
Agad siyang napabalikwas! Nalilitong napasulyap siya rito. Nanlalaki ang mga matang tiningnan ang lalaking nasa harapan.
"Nasaan ako? Bakit..."
"Ho? Nasa hospital po kayo at..."
"Alam kong nasa hospital ako! Ang ibig kong sabihin, anong ginagawa ko rito?!" sumisigaw na saad ni Sam. Napapatingin na ang mga taong nagdaraan sa kanila. Pero balewala lang lahat kay Sam at sobra ang pagtataka niya kung bakit narito siya!
"E, miss, iaabot ko lang sana ito dahil nakalimutan kong ibigay sa 'yo noong pumasok ka sa loob." Nakangiwing inaangat nito a
