"Anong pangalan ng pasyente?" Tiningnan ni Eula ang hawak na record bago sinulyapan ang doktor na naghihintay ng kaniyang tugon.
"Samantha Torres, doc." Kiming sagot ni Eula sa doktor na matagal nang nagugustuhan.
Ayon sa nurse na umasiste rito kanina, simula raw dumating ang naturang babae, ganito na ang itsura nito; nakasiksik sa isang sulok ng kama habang yakap-yakap ng kanang kamay ang isang notebook. Naaawa sila sa babae dahil putol na nga ang kaliwang braso nito ay nabaliw pa. Nasaksihan daw kasi nito ang pagpapakamatay ng sariling ina sa mismong araw ng kaarawan nito.
"Samantha, kailangan mo nang maligo para makapagpalit ka ng damit. Kaya, akina na muna ang hawak mo para..."
Hindi naituloy ng doktor ang sasabihin dahil matalim na tumingin sa kaniya si Sam. Nanlilisik ang mga mat
