Mahilig akong tumakas noon sa amin para makapunta sa bahay ng mga Valderrama. At sa ilang beses na ginawa ko ito, tandang-tanda ko noong nagkaroon ng nakakabaliw na resulta ang katigasan ng ulo ko.
Nagtatago ako noon sa mga magulang ko dahil ayaw ko pang umuwi sa amin. Ang sabi rin kasi ni Reign ay maglalaro silang magkakapatid ng board games sa hapon kaya gusto ko sanang sumali.
Narinig ko ang ilang beses na pagtawag ng mga magulang ko sa pangalan ko at nang mapansin kong mas lumalakas na ito, kinabahan ako at napilitang maghanap ng ibang mapagtataguan.
Ako naman itong hindi nag-iisip, pumasok ako sa isang sasakyan sa garahe ng mga Valderrama, which was surprisingly not locked. Ayon lang ay mas ikinagulat ko nang ilang sandali lang, narinig ko ang pagbukas ng pinto nito na sinundan n
