“I’m staying overnight.”
Laglag ang panga, nagpabalik-balik ang tingin ko kina Kuya MJ at PJ.
Kakarating lang namin sa unit ni PJ at dito lang din inanunsyo ni Kuya MJ na rito pala siya makikitulog ngayong gabi. Kaya naman matalim ang tinging ipinukol ni PJ sa kanya. Samantalang mapanloko pa ang ngiti sa labi ni Kuya MJ.
“Bakit ‘di ka na lang sa bahay?” halos pasinghal na tanong ni PJ sa kapatid. Ang alam ko ay may family house sila sa Maynila na pinauupahan na lang nila ngayon dahil madalas naman silang wala. Kung tutuusin ay mas malaki iyon kumpara rito sa tinutuluyan namin ni PJ, kaya bakit gusto pa ni Kuya MJ makisiksik dito?
“Oo pero mas malapit ang unit mo sa bahay ni Sunny. Maaga ang alis namin bukas kaya mas madadalian ako kung dito ako manggagaling,” pagdadahilan nito na hind
