Nasilaw ako sa liwanag ng sikat ng araw. Para bang natangay ako ng biglaang pagliko ng sinasakyan ko. Ramdam kong nawasak at nagpira-piraso ang puso ko kasabay nito.
Tanaw ko ang gulantang na mukha ni Papa. Malakas na iyakan na nasundan ng sigawan.
Bumaliktad ang kotse. Nakakabingi ang ingay.
Duguan ang mukha ni Mama. Tumigil ang mundo ko. Hindi ako makahinga--
“Iaree!”
Naghahabol ako ng hininga nang imulat ko ang mga mata ko. Una kong nakita ang lukot ng mukha ni PJ. Nagtatanong ang kanyang mga mata habang pinagmamasdan ako.
Pero imbes na magsalita ay niyakap ko siya ng mahigpit. Ganuon din ang ginawa niya habang hinihimas ang buhok ko at pilit akong kinakalma.
I could not utter a single word. Para bang wala pa rin ako sa katawan ko. Paulit-ulit lang sa isip ko ang panaginip n
