"Bilhin mo ang mga paboritong pagkain ni Nick, Minda, at ituro mo ang pagluluto kay Camilla," utos ni Charles bago bumaba sa sasakyan. Isang oras silang mago-grocery habang ang Papa ni Nick ay makikipag-usap sa abogado. Kotse ni Nick ang gamit nila nang umalis kasama si Charles at si Minda.
"Naku, Ma'am Camilla, 'yang si Sir Nick gusto niyan ng puro may sabaw. Sinigang, nilaga, bulalo..." wika naman ni Minda habang papunta sila sa isang mall sa bayan.
"E ang menudo at caldereta?" tanong naman niya dahil 'yun ang paborito niya. Naging expert na siya sa pagluluto ng masarsang pagkain dahil lagi niyang ipinagluluto ang Mama niya noon.
"Naku, ayaw nun ng masarsa."
"Pinagluluto ba siya ni Fiona noon?"
"Si Fiona? Hindi naman nagluluto 'yun. Pero madalas magdala ng pagkain sa mansyon kas
