Nasa kubo si Nick hanggang alas otso habang nakamasid sa mga trabahador na maagang naggagapas ng palay. Dapat ay naroon siya kasama ng mga ito sa bukid pero hindi siya mapakali. Kanina ay hinintay niyang bumaba si Camilla sa komedor kung magkakape ito nang maaga, pero alas sais na siyang nakaalis hindi pa niya ito nasisilayan. Sarado ang silid nito kagabi nang tangka niya itong kausapin matapos siyang halikan ni Fiona. Hindi niya inaasahan 'yun at lalong hindi niya gustong umabot si Fiona sa ganoon. Binalikan niya sa isip ang nangyari kagabi.
"May kailangan ka?" tanong niya kay Fiona na huminto sa harap ng mansyon. Si Camilla ay iniwan niya malapit sa garahe kanina.
"Naiwan mo 'to." Inabot sa kanya ni Fiona ang telepono niyang nakapatong sa sofa sa bahay ng mga Bermudez. Lumakad ang da
