Yssabela
“HERE, drink some water, Yssabela.”
Nakaupo na kami sa labas ng bahay nila. Binigyan niya ako ng tubig matapos niyang malaman na tumakbo ako papunta rito mula sa bahay. Niyaya niya ako na pumasok sa loob ng bahay nila pero sinabi ko sa kanya na okay na ako rito.
Ininom ko ang tubig at nawala ang nararamdaman kong panunuyo ng aking lalamunan.
“Ano bang naisip mo at pumunta ka rito nang ganitong oras, Yssabela? Sana tinawagan mo na lang ako.”
Alam ko naman na nag-aalala lang siya, pero naisip ko na kailangan ko siyang makausap ng personal.
Napanguso ako. Ngayon nga ay ginugulo pa rin ako ng sinabi niya kanina.
He told me he was insecure.
“Gusto kitang makausap. Alam ko na may kailangan tayong pag-usapan na dalawa.” Huminga ako nang malalim at tumingin kay Elia. Naabutan ko s
