NAPATIGIL si Serena sa ginagawa nang maramdaman niya ang paglapit ni Selena sa kanya. Yumuko naman siya nang hilain nito ang laylayan ng suot niyang damit para kunin ang atensiyon niya.
"Mama," wika nito sa kanya.
"Bakit, Selena?" tanong naman niya sa anak.
"Mama, antok po ako. Gusto ko po syeep," wika nito sa kanya, nakita nga din niya ang paghikab nito.
"Oh," sambit naman niya. "Magde-dede ka pa?" tanong naman niya.
"Opo, Mama," sagot naman sa kanya ni Selena habang kinukusot-kusot nito ang mga mata.
"Okay. Titimpla lang si Mama ng milk mo," malambing ang boses na wika niya sa anak.
Tumango naman ito. Pagkatapos ay umalis ito sa harap niya para magtungo sa sala. Nakita niyang umakyat ito sa sofa at umupo ito doon.
Inalis na ni Serena ang tingin sa anak para magtimpla ng g
