"MAMA. I'm scared."
Napatingin si Serena sa anak ng maramdaman niya ang pagsiksik nito sa kanya ng biglang kumulog ng malakas. Inakbayan naman niya ang anak at mas hinapit pa palapit sa katawan niya.
"Don't be scared, anak. Nandito lang si Mama," sagot naman niya dito habang hinahaplos niya ang likod nito.
Hindi naman umimik ang anak, niyakap lang siya nito ng mahigpit.
Tapos na silang mag-dinner ng biglang bumuhos ang malakas na ulan, hindi lang iyon, malakas din ang kulog at kidlat. Kitang-kita nga niya ang pagguhit ng liwanag sa kalangitan mula sa bintana ng apartment.
"Gusto mo bang lumipat na tayo sa kwarto?" tanong niya. Nasa sala kasi silang dalawa, nakaupo sila sa sofa ng sandaling iyon.
Isang tango naman ang isinagot ni Selena sa kanya. "Hmm...wait mo ako dito, ila-loc
