GULONG-gulo si Serena. Hindi niya maiwasan na itanong sa sarili kung bakit do'n siya pinahatid ni Mayor Raven sa bahay nila sa halip sa bahay nito na tinutuluyan niya nitong makalipas na buwan. Eh, noon, ilang beses niyang sinabi dito na uuwi na siya sa bahay nila pero ayaw siya nitong payagan. Iyong isang beses nga siyang umuwi sa kanila ay tinawagan agad siya nito. At gusto siya nitong ipasundo kay Kuya Calixto para bumalik sa bahay nito. At nang sabihin niyang i-istorbohin pa nito si Kuya Calixto dahil gabi na ay nag-presenta si Raven na ito na lang ang susundo sa kanya doon.
Pero bakit ngayon? Bakit sa bahay nila siya nito ipinahatid? Naguguluhan siya, nalilito sa totoo lang. Gustong-gusto nga niya itong tanungin pero ano ang sasabihin niya? At saka hindi ba matagal na din niyang gust
