"NAY."
Nag-angat si Serena ng mukha nang marinig niya ang boses na iyon ng Kuya Sancho niya na tumawag sa Nanay nila. Napansin naman ni Serena ang pag-ayos ni Donna mula sa pagkakaupo nito sa tabi niya nang marinig din nito ang boses ni Kuya. Sumama din kasi ang kaibigan sa kanila ng Nanay niya nang malaman nito na bibisitahin nila si Kuya Sancho sa presento.
"Sancho, anak." Narinig niyang wika ng ina bago ito tumayo mula sa pagkakaupo nito para salubungin ng mahigpit na yakap ang Kuya Sancho niya.
Kinagat ni Serena ang ibabang labi nang marinig niya ang paghagulhol ng ina habang yakap nito si Kuya. At sa sandaling iyon ay parang may malaking kamay na sumasakal sa puso niya.
Serena saw Kuya Sancho hug and comfort their mother. "Nay, huwag na po kayong umiyak," wika ng Kuya niya hab
