NAPAKUNOT ng noo si Serena nang pagbukas na naman niya ng pinto kinaumagahan ay ang mukha ni Raven na naman ang unang nakita niya. Ito na yata ang pangatlong umaga na ang lalaki ang nakikita niya.
"Good morning, Serena," bati ni Raven sa kanya ng magtama ang mga mata nila, napansin nga din niya ang alanganin na ngiti na pinagkaloob nito sa kanya.
Hindi nga din siya gumanti ng bati dito, hindi nga din niya sinuklian ang ngiting pinagkakaloob nito sa kanya ng sandaling iyon.
Hindi niya inalis ang pagkakakunot ng noo niya, pilit nga din niyang pinapa-blanko ang ekspresyon ng mukha niya habang sinasalubong niya ang titig na pinagkakaloob nito sa kanya.
Gustong iparamdam kasi ni Serena sa lalaki na hindi siya natutuwa sa presensiya nito. At bakit lagi itong naroon sa kanila? Bakit hind
