NAGULAT si Serena nang may kamay na pumaikot sa baywang mula sa likuran niya. Pero nang maramdaman niya ang pamilyar na init at nang maamoy niya ang pamilyar na amoy na gusto niyang naamoy palagi ay unti-unting na-relax ang katawan niya.
Hindi nga din niya napigilan ang pagsilay ng ngiti sa kanyang labi ng ipatong nito ang baba sa balikat niya.
"Good morning, mahal," bati ni Raven sa kanya sa baritonong boses.
Bahagya naman niya itong nilingon sa kanyang gilid. "Good morning," ganting bati din niya dito.
Lihim na napangiti si Serena nang mapansin niya ang paghaba ng nguso nito. "Walang mahal?" tanong nito sa kanya.
Sa halip naman na sagutin niya ito ay mabilis niya itong hinalikan sa pisngi. "Good morning, mahal," ulit na bati niya dito.
Naramdaman niya ang paghigpit ng pagkakap
