"SASAKAY tayo diyan?" tanong ni Serena kay Mayor Raven habang nakatingin siya sa isang yate na nasa harapan nila. Kung hindi siya nagkakamali ay nasa Subic port silang dalawa nang sandaling iyon. Nabasa niya iyon kanina habang sakay sila ng kotse.
Bumaling naman si Mayor Raven sa kanya nang marinig nito ang tanong niya. "Yes," sagot nito sa kanya. "Magya-yatch cruise tayong dalawa," dagdag pa na wika niya. "May seasick ka ba?" mayamaya ay tanong nito sa kanya, may nabakasan siyang concern sa ekspresyon ng mukha nito.
Umiling naman siya bilang sagot. "Wala naman."
"Oh, that's great," sagot nito. Pagkatapos niyon ay hinawakan nito ang kamay niya at humakbang silang dalawa palapit sa lalaking naroon.
"Mayor," wika naman nito ng tuluyan silang nakalapit.
"Is everything ready?" tanong
