Bukas pa ang misyon nila ni Kieran dito sa Iloilo. Pero pumunta na sila rito para i-finalize ang mga napagplanuhan. Nasa Maynila naman si Bernard para sa ibang transaksiyon na pinapagawa ni Lady Fox. Mamayang gabi ito makikipagtagpo sa kanila sa sariling mansiyon, kung saan sila tutuloy ng ilang araw.
Nauna nilang pinuntahan ang isang lumang gusali kung saan gaganapin ang transaksiyon ni Lady Fox at ng Dark Lotus. Medyo malayo ito sa kabihasnan kaya hindi sila makakaagaw ng pansin.
"Katulad ng napagplanuhan, kami ni Panther ang susundo kay Lady Fox sa airport," paliwanag ni Joanna. Bukod sa Animaux, may mga personal bodyguards din si Lady Fox. "Kayo, Wolf at Bear, ang mag-aabang sa kanto na lalabasan ng mga sasakyan ng Dark Lotus. Pag-aralan n'yo ang bawat kilos nila. At palihim kayong b
