Sanay na si Reza na makakita ng mga duguang pasyente: malala o simpleng sugat man. Matibay na ang kaniyang mga mata at sikmura.
Pero ang hindi masikmura ni Reza ay ang makakita ng mga pasyenteng biktima ng mga karahasan o sangkot sa ano mang krimen. Umiinit ang dugo niya. Bilang anak ng dating Department of the Interior and Local Government o DILG peace and order staff sa kanilang lugar, lumaki si Reza sa pangaral na dapat ay panatilihin ang kapayapaan sa bayan. Na hangga't maaari ay kailangang sugpuin ang mga kriminal, na siyang salot sa lipunan, para hindi na makapanggulo o makapanakit pa ng ibang tao. Muntikan na rin kasing mabiktima noon ng carnapper ang Papa Juanito niya. At siya naman ay muntikan na ring makidnap.
Kaya nga kung hindi lang tumutol noon ang ina ni Reza sa pangarap ni
